حكومه‌تا هه‌رێمێ گۆتنێن سه‌رۆكێ لژنا دارایی ل په‌ڕله‌مانی ره‌تكرن

حكومه‌تا هه‌رێمێ گۆتنێن سه‌رۆكێ لژنا دارایی ل په‌ڕله‌مانی ره‌تكرن

وار – دهوك :

حكومه‌تا هه‌رێما كوردستانێ، گۆتنێن سه‌رۆكێ لژنا دارایی ل په‌ڕله‌مانێ كوردستانێ ره‌تكرن و ب كاره‌كێ نه‌ به‌رپرسانه‌ و چه‌واشه‌كرنا خه‌لكی ناڤكر.
دوهی عزه‌ت سابر، سه‌رۆكێ لژنا دارایی ل په‌ڕله‌مانێ كوردستانێ راگه‌هاندبوو، ملیاره‌ك و 500 ملیۆن دۆلارێن داهاتێ په‌ترۆلا هه‌رێمێ د بانكا كوردستان یا نێڤده‌وله‌تی دانه‌، لێ حكومه‌ت مووچه‌یان به‌لاڤ ناكه‌ت.

سه‌فین دزه‌یی، په‌یڤدارێ حكومه‌تا هه‌رێمێ بۆ مالپه‌رێ فه‌رمی یێ حكومه‌تێ، گۆتنێن سه‌رۆكێ لژنا داراییا په‌ڕله‌مانی ره‌تكرن و دیاركر، گۆتنێن عزه‌ت سابری، دره‌وه‌كا مه‌زن و شاخداره‌ و چه‌واشه‌كرنا خه‌لكی یه‌ و یاریكرنه‌ ب زمانێ ژماران و ئارمانج ژێ، لڤاندنا رایا گشتی یه‌.
گۆت ژی: پێدڤی بوو عزه‌ت سابر به‌ری ڤێ لێدوانێ بده‌ت، پرسیار ژ جێگرێ سه‌رۆكێ حكومه‌تێ كربا كو هه‌ر ژ پارتا وی یه‌ و ب ته‌مامی هایداری پرسا دارایی و داهاتی یه‌.

بابه‌تێن ب ڤێ مژارێ ڤه‌ گرێدای