حكومه‌تا هه‌رێمێ په‌قینێن عه‌فرین و قامشلۆ و حه‌سه‌كه‌ شه‌رمراز كرن

حكومه‌تا هه‌رێمێ په‌قینێن عه‌فرین و قامشلۆ و حه‌سه‌كه‌ شه‌رمراز كرن

WAAR-دهۆك:

حكومه‌تا هه‌رێما كوردستانێ په‌قینێن ئه‌ڤرۆ یێن باژارێن عه‌فرین و قامشلۆ و حه‌سه‌كێ‌ شه‌رمزاركرن و راگه‌هاند: تیرۆر و تیرۆرست ل دژی مرۆڤایه‌تی و ئۆل و شارستانیه‌تێنه‌.
د په‌یامه‌كێ دا مه‌سروور بارزانی سه‌رۆكێ وه‌زیرێن هه‌رێما كوردستانێ هه‌ڤخه‌میا خوه‌ ئاراسته‌ی قوربانیێن په‌قینێن ئه‌ڤرۆ یێن عه‌فرین و قامشلۆ و حه‌سه‌كێ كرن و هیڤیێن باشبوونێ بۆ برینداران خواستن.
مه‌سروور بارزانی هه‌ر د په‌یاما خوه‌ دا زێده‌تر ئاشكه‌را كر: كریارێن تیرۆرستی وێ چه‌ندێ دووپات دكه‌ن كو تیرۆر و تیرۆرستان ئێك ئارمانج هه‌یه‌ و ل دژی مرۆڤایه‌تی و هه‌می ئۆل و ژیان و شارستانیه‌تێ نه‌.
ئه‌ڤرۆ د پێنج په‌قینێن جودا دا كو ل عه‌فرین و قامشلۆ و حه‌سه‌كێ یێن رۆژئاڤا كوردستانێ رووداین، د ئه‌نجام دا نێزیكی پازده‌ كه‌سان ژیانا خوه‌ ژ ده‌ستدا و پتری پێنجی و پێنجێن دیتر ژی برینداربوون .

بابه‌تێن ب ڤێ مژارێ ڤه‌ گرێدای