حكومه‌تا هه‌رێمێ هۆشدارى ژ ره‌وشا مرۆڤى یا ئاوه‌ره‌ و په‌نابه‌ران دا

حكومه‌تا هه‌رێمێ هۆشدارى ژ ره‌وشا مرۆڤى یا ئاوه‌ره‌ و په‌نابه‌ران دا

WAAR-دهۆك:

حكومه‌تا هه‌رێما كوردستانێ هۆشدارى ژ ره‌وشا مرۆڤى یا ئاوه‌ره ‌و په‌نابه‌رێن هه‌رێمێ دان و راگه‌هاند: گه‌ر جڤاكا نێڤده‌وله‌تى و حكومه‌تا ئیراقێ هاریكار نه‌بن، دێ كاره‌ساتێن مرۆڤى چێبن.
دكتور جوتیار عادل، په‌یڤدارێ حكومه‌تا هه‌رێما كوردستانێ راگه‌هاند: هه‌ر ژ پشتى سالا 2011ێ، ب سه‌دان هزار په‌نابه‌رێن سوورى قه‌ستا هه‌رێما كوردستانێ كرییه‌ و سه‌ربارى قه‌یرانا دارایى و ره‌وشا ئابوورى یا ب زه‌حمه‌ت، لێ حكومه‌تا هه‌رێمێ یا پێدڤى بۆ كرییه ‌و ئاماده‌بوو ژ قۆتێ خوه‌ ببڕیت و بده‌ته ‌ئاواره ‌و په‌نابه‌ران.
گۆت ژى: ره‌نگه ‌حكومه‌تا هه‌رێمێ بشێت بۆ ده‌مه‌كێ دى ژى هاریكارییا په‌نابه‌ران بكه‌ت، لێ ره‌وش گه‌له‌ك ب زه‌حمه‌ت كه‌فتییه‌ و گه‌ر جڤاكا نێڤده‌وله‌تى و حكومه‌تا ئیراقێ هاریكار نه‌بن، دێ كاره‌ساتێن مرۆڤى چێبن.

بابه‌تێن ب ڤێ مژارێ ڤه‌ گرێدای