حزبێن شیعه‌ ژبلی ره‌وتا سه‌در ژ بۆ مانا عه‌بدولمه‌هدی كۆم دبن

حزبێن شیعه‌ ژبلی ره‌وتا سه‌در ژ بۆ مانا عه‌بدولمه‌هدی كۆم دبن

WAAR-دهۆك:

پارتیێن شیعه‌ ئه‌وێن ژ ئالیێ ئیرانێ ڤه‌ دهێنه‌ پشته‌ڤانیكرن، ژ بۆ مانا عادل عه‌بدولمه‌هدی د سه‌رۆكاتییا حكومه‌تێ دا كۆمبوون، هه‌ڤپه‌یمانیا سائیروون پشكداری كۆمبوونێ نه‌بوو.
شڤێدی پارتیێن شیعه‌ مه‌زهه‌ب تایبه‌ت یێن ژ ئالیێ ئیرانێ ڤه‌ دهێنه‌ پشته‌ڤانی كرن ل مالا هادی عامری سه‌رۆكێ هه‌ڤپه‌یمانییا فه‌تح كۆمبوون و گۆتوبێژا پرسا مانا عادل عه‌بدولمه‌هدی وه‌ك سه‌رۆكێ حكومه‌تا فیدرال كرن، هه‌ڤپه‌یمانییا سائیروون ئه‌وا موقته‌دا سه‌در سه‌رۆكاتییا وێ دكه‌ت، پشكداری كۆمبوونێ نه‌بوو.
هات راگه‌هاندن، ره‌شنڤیسا خالێن كو د كۆمبوونێ دا رێككه‌فتن ل سه‌ر هاتییه‌ كرن، دێ ئاراسته‌ی ئالیێن سوننه‌ و هه‌روه‌ها یێن كوردستانێ هێت كرن و پشتی وه‌رگرتنا رازه‌مه‌ندیێ، عه‌مار حه‌كیم سه‌رۆكێ ره‌وتا حكمه‌ دێ ئاراسته‌ عه‌بدولمه‌هدی كه‌ت.
خوه‌نیشاندانێن ئیراقێ كو ل بیست و پێنجی ئۆكتۆبه‌را ئه‌ڤساله‌ ده‌ستپێكرینه‌، پشتی توندوتیژی كه‌فتییه‌ تێدا، خوه‌نیشانده‌ران هه‌ر راست داخوازا لادانا عه‌بدولمه‌هدی و حكومه‌تا وی كرن، موقته‌دا سه‌در رێبه‌رێ ره‌وتا سه‌دری ژی هۆشداری دانه‌ عه‌بدولمه‌هدی ئه‌گه‌ر ده‌ست ژ كار نه‌كێشیت.

بابه‌تێن ب ڤێ مژارێ ڤه‌ گرێدای