جەزائر.. 5 کەس د ئاھەنگا ستێرا راپێ soolking دا مرن

جەزائر.. 5 کەس د ئاھەنگا ستێرا راپێ soolking دا مرن

WAAR-دهۆك:

پێنج کەسان شڤێدی ل جەزائیرا پایتەخت د ئاھەنگا ستێرا راپێ عەبدولرەئووف دەراجی دا گیانێ خوە ژ دەستدان، پشتی جەماوەر ب سەرێک دا چووی.
مەدیا جەزائری بەلاڤکرییە، شڤێدی د ئاھەنگا ستێرا راپێ عەبدولرەئووف دەراجی کو ب سۆل کینگ ناسیارە، گیانێ خوە ژ دەستدان، پشتی ب ئەگەرا قەربالغێ جەماوەر ب سەرئێک دا چووی، ھەروەھا ھەژمارەکا دی ژی بریندار بوون.
د ئاھەنگێ دا کو ب ھەلکەفتا دەربازبوونا شەش مەھان ل سەر دەستپێکرنا پێلا نەرازیبوونێن جەزائیرێ ھاتبوو سازکرن، پتری بیست ھزار کەسان پشکداری تێدا کر و ل یاریگەھا وەرزشی یا جەزائیر ھات کرن.
سۆل کینگ ب ستێرەکا دیار یا راپێ دھێت ھەژمارتن، ل فرەنسا دژیت و ئێکەم ئاھەنگە ل جەزائیرێ ساز دکەت، سترانەکا وی ژی بوویە دروشمێ خوەنیشاندانێن جەزائیرێ وی راگەھاندییە، داھاتیێ ئاھەنگێ دێ بۆ نەخۆشخانەیێن جەزائیرێ بیت.

بابه‌تێن ب ڤێ مژارێ ڤه‌ گرێدای