جەبار یاوەر: فەرمانا ھەبوونا نوونەرێ پێشمەرگەیی د ئۆپەراسیۆنێن ھەڤپشک دا نەگەھشتییە مە

جەبار یاوەر: فەرمانا ھەبوونا نوونەرێ پێشمەرگەیی د ئۆپەراسیۆنێن ھەڤپشک دا نەگەھشتییە مە

WAAR-دهۆك:

ئەمیندارێ گشتی یێ وەزارەتا پێشمەرگەی راگەھاند: تا نھا ب فەرمی، فەرمانا نوونەراتییا ھێزا پێشمەرگەی د فەرماندەیا ئۆپەراسیۆنێن ھەڤپشک یێن ئیراقێ دا نەگەھشتیە دەست وان.
د راگەھاندنەکێ دا جەبار یاوەر، ئەمیندارێ گشتی یێ وەزارەتا پێشمەرگەی دیارکر: ل دەمێ کۆمبوونا شاندێن ھەرێمێ و بەغدا ل بیست و سێ خزیرانێ، شاندا ھەرێمێ داخواز ھەبوونا نوونەرێ ھێزا پێشمەرگەی د ئۆپەراسیۆنێن ھەڤپشک دا کربوو.
دا زانین ژی: ب رێیا مەدیایان ئەوان زانییە کو حکومەتا فەدرال، فەرمانەکا دیوانی ل دۆر میکانیزم و ئەرکێ نوو یێ فەرماندەیا ئۆپەراسیۆنێن ھەڤپشک دەرخستییە و تێدا ئاماژە ب نوونەراتییا ھێزێن پێشمەرگەی ل ناڤا وێ ھێزێ کرییە،، لێ تا نھا ئەو فەرمانە ب شێوەیەکێ فەرمی نەگەھشتییە دەست پێشمەرگەی.
جەبار یاوەری ئاشکەرا ژی کر: پشتی گەھشتنا فەرمانێ و پەسەندکرنا وێ ژ ئالیێ وەزارەتا پێشمەرگەی ڤە، پێدڤی ب رازیبوونا سەرۆکاتیا ھەرێمێ و جڤاتا وەزیران ھەیە، تا نوونەرێ فەرمیی پێشمەرگەی بۆ بھێتە دیارکرن.

بابه‌تێن ب ڤێ مژارێ ڤه‌ گرێدای