جێگرێ سه‌رۆكێ یانه‌یا دهۆك: به‌رى جه‌ژنێ دێ پشكه‌كا دى یا هه‌ڤبه‌ستێ ده‌ینه‌ یاریكه‌ران

جێگرێ سه‌رۆكێ یانه‌یا دهۆك: به‌رى جه‌ژنێ دێ پشكه‌كا دى یا هه‌ڤبه‌ستێ ده‌ینه‌ یاریكه‌ران

وار – تاهر رێكانى :

د داخۆیانییه‌كێ دا جێگرێ سه‌رۆكێ یانه‌یا دهۆك بۆ رۆژنامه‌یا وار ئاشكراكر كو ئه‌م یێ بزاڤان دكه‌ین به‌رى یارییا به‌رامبه‌ر جه‌وییه‌ پشكه‌كا دى یا هه‌ڤبه‌ستا یاریكه‌رێن خۆ یێن ته‌پاپێى بده‌ینێ، به‌لێ د شیاندانیه‌ له‌وا دێ گیرۆبن بۆ به‌رى جه‌ژنێ، گۆتژى ئه‌م چوو یاریكه‌رێن خۆ یێن هه‌ردو تیمێن خولا ئیراقێ و كوردستانێ ژ ده‌ستناده‌ین و ل وه‌رزێ بهێت دێ پشتبه‌ستنا مه‌ یا سه‌ره‌كى لسه‌ر شیانێن كورێن باژێرێ دهۆكێ بیت.
محه‌مه‌د عه‌بدى دبه‌رده‌وامییا گۆتنێن خۆدا دبێژیت، هه‌رچه‌نده‌ مه‌ لبه‌ربوو به‌رى یارییا نه‌فت ئه‌لجنوب پشكه‌كا دى یا هه‌ڤبه‌ستێ بده‌ینه‌ یاریكه‌رێن خۆ یێن ته‌پاپێى و مه‌ گه‌له‌ك بزاڤكرن، لێ د شیاندا نه‌بوو له‌وا دێ به‌رى جه‌ژنێ پشكه‌كا هه‌ڤبه‌ستێن وان هێته‌دان، من دڤێت یاریكه‌رێن مه‌ دلخوشبن كو ئه‌وا د شیانێن مه‌دا بیت دێ درێكا سه‌ركه‌ڤتنا ڤێ تیمێدا كه‌ین ژبه‌ركو ئه‌وا خۆ هه‌ژى هندێ دیت پشته‌ڤانى لێ بهێته‌كرن، ده‌رباره‌ى به‌رهه‌ڤیێن وان بۆ یارییا گه‌را شه‌ێ ژ قۆناغا بژاره‌ به‌رامبه‌ر یانه‌یا جه‌وییه‌ ئه‌وا بڕیاره‌ ل چارێ مه‌ها بهێت ل یاریگه‌ها شه‌عب ل به‌غدا بهێته‌كرن عه‌بدى گۆت، پێ نه‌ڤێت بۆ ڤێ یاریێ تیما مه‌ ژ هه‌موو لایانڤه‌ یا به‌رهه‌ڤه‌ و چو كێماسى نینن و مه‌ باوه‌رییه‌كا مه‌زن یا هه‌ى كو دێ دڤێ یاریێ دا سه‌ركه‌ڤین، ژبه‌ركو شیانێن یاریكه‌رێن مه‌ ژ شیانێن یاریكه‌رێن هه‌ر تیمه‌كا خولا ئیراقێ كێمتر نینه‌ ئه‌گه‌ر باشتر نه‌بن، ئه‌وان بۆ هه‌موو خه‌لكێ ئیراقێ سه‌رلماند كو خۆدان شیان و هێزن.
ژلایه‌كێ دویڤه‌ جێگرێ سه‌رۆكێ یانه‌یا دهۆكێ دیاركر، كو شه‌ڤا بۆرى دگه‌ل یاریكه‌رێن تیما خولا هه‌رێمێ ئه‌وێن نه‌پشكدار دگه‌ل تیما خولا ئیراقێ رونشتین ده‌ستخۆشى و پیرۆزباهى لێكر ژبه‌ر ده‌ستكه‌ڤت و بهێنفره‌هییا وان لسه‌ر هه‌ر تشته‌كێ و بتایبه‌ت قه‌یرانا دارایى، تێدا دیاركر كو ئه‌و دێ هه‌ر مینه‌ دگه‌ل یانه‌یا دهۆك و حه‌زناكه‌ین چو یاریكه‌ر داخازا چوونێ بۆ جهه‌كێ دى بكه‌ن و ئه‌و پشت راستكرن كو ل وه‌رزێ بهێت هه‌ردو خولێن ئیراقێ و كوردستانێ دێ پتر هاریكاریا وان كه‌ن و دێ پشتبه‌ستنا تیمێ لسه‌ر كورێن باژێرێ دهۆكێ بیت و تنێ دو تا سێ یاریكه‌ران دێ ل تیمێ زێده‌كه‌ین و وه‌كى دى 90% دێ كورێن باژێرێ دهۆكێ بن، ب هیڤییا وێ چه‌ندێ یانه‌یا دهۆك یا خه‌لكێ پارێزگه‌ها دهۆكێ یه‌، له‌وا دێ كارێ مه‌ وه‌كو كارگێر لسه‌ر هندێ بیت شه‌نگستێ ته‌پاپێى ل یانه‌یا مه‌ بهێته‌ دانان و هه‌موو یانه‌یێن پارێزگه‌هێ مفاى ژێ وه‌ربگرن.

بابه‌تێن ب ڤێ مژارێ ڤه‌ گرێدای