جێگرى و چار ئه‌ندامێن ئێكه‌تییا ته‌پاپێیا هه‌رێمێ ده‌ست ژ كارێن خۆ به‌ردان

جێگرى و چار ئه‌ندامێن ئێكه‌تییا ته‌پاپێیا هه‌رێمێ ده‌ست ژ كارێن خۆ به‌ردان

وار – دهۆک :

ژ نیشكه‌كێ ڤه‌ پێنج كه‌سان ده‌ستكار كێشانا خۆ پێشكێشى سه‌رۆكێ ئێكه‌تییا ته‌پاپێى یا هه‌رێما كوردستانێ كر، شه‌ڤا ده‌ربازبووى جێگرێ سه‌رۆكێ ئێكه‌تییا ته‌پاپێى سه‌ركار عه‌لى خان و چار ئه‌ندامێن ئێكه‌تیێ ئه‌وژى كاروان حه‌مه‌ فه‌ره‌ج و عومه‌ر خه‌تاب و خالد سه‌عدى.
لدۆر ئه‌گه‌رێ ده‌ست ژ كاركێشانا خۆ ژ پۆستێن خۆ كاروان حه‌مه‌ فه‌ره‌ج تایبه‌ت بۆ رۆژنامه‌یا وار دیاركر كو ژبه‌ر ماندیبوونێ و قه‌یرانا دارایى ب سه‌ر هه‌رێمێ دا كه‌تى و هاتنا شاندێ پارێزگه‌ها سلێمانیێ ئه‌وێ ژ پێنج كه‌سان پێكدهێت كو د هه‌فتیێ دا جاره‌كێ یان دو جاران دهێینه‌ كۆمبوونێ ل هه‌ولێرێ و ئه‌ڤه‌ ژى بارگرانییه‌كا مه‌زنه‌ لسه‌ر مه‌، دیسان ناڤبرى گۆتژى ده‌مه‌كێ درێژه‌ ئه‌م دگه‌ل ئێكه‌تییا ناڤبرى و ژیێ مه‌ یێ دبۆریت و مه‌ دڤێت ده‌لیڤه‌یێ بده‌ینه‌ گه‌نجان كو بهێنه‌ دناڤ ڤان پۆستاندا، دبێت هزرێن وان ژ یێن مه‌ به‌رفره‌هتر بن و بشێن پتر خزمه‌تا وه‌رزشا هه‌رێمێ بكه‌ن.
ژلایه‌كێ دویڤه‌ سه‌لام حسێن سكرتێرێ ئێكه‌تییا ته‌پاپێى گۆت، براستى ئه‌ڤ بریاره‌ ژ نیشكه‌كێ ڤه‌ گه‌هشته‌ مه‌ و بێى كۆ ئاریشه‌یه‌ك یان دلمانییه‌ك دناڤبه‌را ئه‌ندامێن مه‌ په‌یدا ببیت، له‌وا ئه‌ڤ بریاره‌ یا شاشه‌ و دڤێت پێداچوونه‌ك لسه‌ر بهێته‌ كرن و جاره‌كا دى ب ڤه‌گه‌رنه‌ لسه‌ر كارێ خۆ تاكو جاره‌كا دى هه‌لبژارتنێن ئێكه‌تیێ بهێنه‌ كرن.

بابه‌تێن ب ڤێ مژارێ ڤه‌ گرێدای