جێفری: رێ نادەین سوپایێ سووریێ بچیتە رۆژھەلاتێ فوراتی

جێفری: رێ نادەین سوپایێ سووریێ بچیتە رۆژھەلاتێ فوراتی

WAAR-دهۆك:

ھنارتیێ تایبەتێ ئەمریکا بۆ کاروبارین سووریێ راگەھاند؛ حکومەتا واشنتۆن رێ نادەت جارەکا سوپایێ سووریێ ڤەگەریتە دەڤەرێن ژێر دەستھەلاتا ھێزێن سووریا دیمۆکرات ھەسەدێ ل باکۆر و رۆژھەلاتێ فوراتی.
جێمس جێفری بۆ مەدیایا وەلاتێ خوە راگەھاند؛ دەمێ ھێزێن رژێما ئەسەدی و ھەڤپەیمانێن وێ بزاڤ دکرن بچنە رۆژھەلاتێ فوراتی، ھێزێن ئەمریکا رێگری لێکر و راوەستاندن، بزاڤێن وان ژی د وی واری دا دێ بەردەوام بن.
ھنارتیێ ئەمریکا بۆ کاروبارێن سووریێ ئاشکرا کر، ئەمریکا رێزێ ل بریارا جڤاتا ئاساییشا ناڤدەولەتی دگریت، ئەو بریار ژی داخوازا ئاگربەستەکا سەرتاسەری ل سووریێ دکەت، ب وی مەرجی چو ئالی بزاڤان نەکەن دەڤەرێن ژێر دەستھەلاتا ھێزێن دی کۆنترۆل بکەن، ئەو یەک حکومەتا سووریێ ژی ڤەدگریت.
گۆتنێن جێمس جێفری د وی دەمی دا ھاتن، چەندین جاران حکومەتا دیمەشقێ ئاشکرا کرییە، ئەو دێ دەڤەرێن ژێر دەستھەلاتا ھەسەدێ کۆنترۆل کەن و ئێخن ژێر دەستھەلاتا خوە.

بابه‌تێن ب ڤێ مژارێ ڤه‌ گرێدای