جیهان چاڤه‌رێ شۆڕ‌شا هه‌لى لۆڤێ یه‌

جیهان چاڤه‌رێ شۆڕ‌شا هه‌لى لۆڤێ یه‌

وار – دهۆک :

ترايله‌رێ كلیپا نوو یا ھونەرمەندا کورد “ھەلی لوڤێ” یا ب ناڤێ “رەڤۆلوتۆن” کو ل شەڕێ دژى داعشێ دا چێکریە، نها ل سه‌ر یۆتیۆبى به‌لاڤكریه و د ده‌مه‌ك كورتدا ل چه‌ندین میدیایێن بیانى‌ به‌لاڤبوویه‌. ھونەرمەندا کورد ھەڵی لوڤ، یا کو ل ئه‌مریکا دژیت، ب کلیپا خوەیا ب ناڤێ “رسک ئت ئاڵ” ناڤدار ببوو، نها ترایله‌رێ کلیپا خوه‌ یا نوو به‌لاڤدكه‌ت. لێ وێ ئاشكرا نه‌كریه‌ دێ كه‌نگى كلیپ ب ته‌مامى هێته‌ به‌لاڤكرن.
ھەڵی لوڤێ ل سەر تویتەر و فه‌یسبووك و ئینستاگراما خوە بەحسا کلیپا خوە کریە و گۆتیە، ناڤێ کلیپێ “رەڤۆلوتۆن” ئانكو (شۆڕش)ـە کو ل شەرێ دژى داعشێ ھاتیە چێكرن. ھونەرمەندا کورد د ڤێ کلیپێ دا ب جلكێن پێشمەرگە و سواری تانکێ دبیت و ل سەر تۆپا تانکێ، پەیڤا رەڤۆلوتۆن دنڤیسیت و تۆپێ د تەقینیت و بەرۆڤاژی کلیپا خوه‌ یا دى د ڤێ کلیپێ دا روویێ خوە پێچایە و ب تنێ چاڤێن وێ تێنه‌ دیتن. هه‌ر دیسان ترایله‌رێ هونه‌رمه‌ندا ناڤهاتى ل چه‌ندین ئاژانس و میدیایێن بیانى ل سه‌ر ئاستێ جیهانێ ده‌نگ ڤه‌دایه‌ و هه‌لى لۆڤێ ب خوه‌ ژى ل سه‌ر فه‌یسبووك و تویته‌رێ خوه‌ ئاماژه‌ ب وان ده‌زگه‌هان دایه‌.

بابه‌تێن ب ڤێ مژارێ ڤه‌ گرێدای