جینۆسایدا ئێزدییان یا بەردەوامە و هیشتا کەیسا ئێزدیان ب جینۆساید نەهاتییە ناسکرن

جینۆسایدا ئێزدییان یا بەردەوامە و هیشتا کەیسا ئێزدیان ب جینۆساید نەهاتییە ناسکرن

مەروان داود

ل رۆژا 10 ـێ حزیرانە سالا 2014 دوومین و مەزنترین باژارێ ئیراقێ باژارێ مووسل کەفته‌ دەستێ داعش، د ماوەیێ ئیک رۆژێ دا ئەو باژارێ مەزن ژ لایێ داعش ڤە هاتە داگێرکرن، و مەترسیەکا مەزن ل سەر خەلکێ شنگالێ پەیدابوو، ب تایبەت ئێزدی ژبەر کو ئێزدی کەمینە بوون ل ئیراقێ دا، پشتی داگێرکرنا باژارێ مووسل و مەترسی لسەر خەلکێ شنگالێ پەیدابووی ب گشتی و ئێزدیان ب تایبەتی، ل رۆژا 3ى ته‌باخا هەمان سال رێكخراوا تیرۆرستیا داعشێ هێرشى سەر دەڤەرا شنگالێ و گوند و کومەلگەهێن ئێزدیان یێن ب سەر وێ دەڤەرێ ڤە کرن، هەر چ تاوانێن دژى مرۆڤایه‌تییێ هەبان و مەزنترین تاوان د چەرخێ 21 ـێ دا د ده‌رهه‌قێ ئێزدیان دا ئه‌نجام دان، ل دەڤەرا شنگالێ و گوند و کومەلگەهێن بسەر وێ قەزایێ ڤە، ژ وان تاوانان ژی كوشتن و گرتن و و ده‌ربه‌ده‌ركرن و ئاواره‌بوون و كۆچكرنێ و تالانكرن و وێرانكرنا مال و خانیێن هاولاتیان ژ لایێ داعش ڤە،‌ راڤەندنا ب هەزاران کەچ و ژنێن ئێزدی وەکو بەندا ل بازاران کرین و فرۆتن ب وان دهاتە کرن و هەر چ جورێ زولم و زووری هەبا ل دژی وان دهاتە کرن، ئەڤا نیزیک بیرەوەریا پێنجێ یا كۆمكوژیێ ئیزدیان دبێ و پشتی چەند رۆژێن دی پێنج سال ب تەمامی دئێنە بۆراندن بسەر کۆمکوژیا ئێزدیان دا و دماوێ ڤان سالێن دەربازبووی دا هەر ژ سالا 2014ـێ و هەتا نهو ژی تاکێ ئێزدی د ژیانەکا گەلەك ب پەریشان دا دژین و ژیانا دەربەدەری و دبن خیڤەتێن پەرتی دا و دورن ژ مال و حالێن خوە و ژ ئاخا خوە و داخوازێن وان ناهەتینه‌ ب جیهـ ئینان و ل سەر ئاستێ نێڤ ده‌وله‌تى وه‌ك پێدڤى كار بۆ ب جینۆساید ناساندنا كه‌یسا ئێزدیان نه‌هاتیه‌ كرن و هێشتا جینوساید یا به‌رده‌وامه‌، ژبەر هەتا نهو زیدەتر ژ 2000 گرتین ئێزدی د دەستێ مەزنترین رێخراوا تیروستی داینە و ئێزدی د ناڤە کەمپان دا د ئاواوره‌ و کوچبەرن و د ژیانەکا گەلەك پەریشان دا دژین لێ کەیسا ئێزدیان ژ لایێ جڤاكا نێڤده‌وله‌تى ‌ڤە هاتیە پشتگوهـ هاڤێتیه،‌لگه‌ل قوربانى و ڤان ئێش و ئازار و نه‌خۆشیێن ئێزدیان دیتین و ئەڤ بۆ ماوێ چار سالایە رۆژانە د ژیانە ب زەحمەت و نەخوش دا دژین و د ناڤە خیڤەتا و کەڤلێن نا تەمام بووی دا ئیرۆ كۆمكوژیا ملله‌ته‌كى کو پێک دهێت زیدەتر ژ ئیک مەیلون کەسان رۆژ ب رۆژ دهێتە ونداكرن، دگەل ساخکرنا بیرەروەریا جینوسایدا ئێزدیان یا پێدڤیا ئالیێن شۆله‌ژێ رۆنكرنه‌كێ بۆ رایا گشتى یا ئێزدیان بده‌نه‌ خویاكرن و داخوازێن ئێزدیان کەس و کارێن قوربانیان ب جیـهـ بینن ،ژبه‌ر ڤان داخوازێن وان یێن ل خوارێ كو هەر ژ دەستپێکا فەرمانێ و هاتە نهو ڤان داخوازیان دکەن و د ئاسێ ماینه‌ و ژ ناڤ جڤاکێ دەرنەکەڤن.

1_كه‌یسا ئێزدیان ب جینۆسایدێ ل ئاستێ ناڤخۆیى و نێڤده‌وله‌تى بهێتە ناسکرن ب زووترین دەم.

2_چاره‌نڤیسێ ب هه‌زاران کەچ و ژنێن ئێزدی ئەوێن هاتینە گرتن ژ لایێ داعش ڤە بهێتە دیارکرن‌.

3_ پاراستنن لسەر وان گۆرێن بكۆم یێن هەستیکێن ئێزدیان تێدا ماین بهێتە کرن ژ ئاگر و هەر تشتەکی هەبێت ژ بەر مەزنترین بەلگەیا بو ناساندنا کەیسا ئێزدیان ب جینۆساید و ئەگەر ئەو گۆرێن ب کوم ب تەمامی نەمینێن مەترسیا لسەر وندابوونا کەیسا ئێزدیان هەیه‌.

4_ره‌وشا سیاسى و ئێمناهیێ ل ده‌ڤه‌را شنگال بهێتە چەسپاندن.

5 – دەست ب ئاڤدانکرنا شنگالێ بهێتە کرن.

6 – ئەو دەڤەرێن ئیزدیان یێن ب تەمامی وێرانبووین و نهو چ کەس تیدا نینن ب تایبەت ل باشوورێ شنگالێ و نهو خەلکێ وان دەڤەران د کەمپان و کەڤلێن نە ته‌مام بووی دا هاریکاریا خەلکێ وان دەڤەرا بهێتە کرن.

7- ئاڤه‌دانكرنا شنگالێ و دابینكرنا خزمه‌تكاریان و قه‌ره‌بووكرنا خه‌لكێ. 8-ڤه‌گه‌ریانا ئاواران و هەبوونا خزمەت گوزاریان.

 

بابه‌تێن ب ڤێ مژارێ ڤه‌ گرێدای