جۆنسۆن: بریکزێت دێ د دەمێ خوە دا بیت

جۆنسۆن: بریکزێت دێ د دەمێ خوە دا بیت

WAAR-دهۆك:

بەربژارێ دیار یێ پارتییا پارێزگار یا بریتانی بۆ وەرگرتنا پۆستێ سەرۆکوەزیران، سۆز دا ل دەمێ دەستنیشانکری بریتانیا ژ ئێکەتییا ئەورۆپا دەربێخیت.
بۆریس جۆنسۆن، وەزیرێ دەرڤە یێ بەرێ یێ بریتانیا و دیارترین بەربژارێ جهگرتنا تیرێزا مەی، د ئێكەم داخۆیانییا مەدیایی دا پشتی بەربژاربوونێ، سۆز دا، گەر ببیتە سەرۆکوەزیر، بەری 31ێ مەها چریا ئێکێ یا ئەڤ سالە، بریتانیا ب رەنگەکێ ساخلەم ژ ئێکەتییا ئەورۆپا دەربێخیت.
جۆنسۆنی هەروەسا دیار کر، هندەک کەس هەنە دخوازن جارەکا دی بریکزێت بهێتە پاشخستن، لێ ئەو یەک د بەرژەوەندییا بریتانیا دا نابیت و دێ بیتە ئەگەر کو بریتانییان باوەری ب سیاسەتێ نەمینیت.
تیرێزا مەی، سەرۆکوەزیرا بریتانیا پشتی پرۆژەیێ وێ یێ دەرکەفتنێ ژ ئێکەتییا ئەورۆپا 3 جاران ل پەرلەمانێ بریتانیا هاتییە رەتکرن، ل 7ی ڤێ مەهێ دەست ژ کار کێشا.

بابه‌تێن ب ڤێ مژارێ ڤه‌ گرێدای