جڤاتا وه‌زیران كار ل سه‌ر چاره‌كرنا کێشەیا كاره‌با دهۆكێ دكه‌ت

جڤاتا وه‌زیران كار ل سه‌ر چاره‌كرنا کێشەیا كاره‌با دهۆكێ دكه‌ت

WAAR-دهۆك:

جڤاتا وه‌زیرێن هه‌رێما كوردستانێ ژ بۆ زێده‌كرنا رێژه‌یا كاره‌با دهۆكێ، گازوایل بۆ كارپێكرنا وه‌ستگه‌ها كاره‌بێ زێده ‌كر.
مالپه‌رێ فه‌رمی یێ حكومه‌تا هه‌رێما كوردستانێ د راگه‌هاندنه‌كێ به‌لاڤ كر: ب مه‌ره‌ما چاره‌كرنا كێشه‌یا كاره‌با پارێزگه‌ها دهۆكێ، نێچیرڤان ئه‌حمه‌د, سه‌رۆكێ دیوانا جڤاتا وه‌زیران و دوكتۆر ئاشتی هه‌ورامی، وه‌زیرێ سامانێن خوه‌رستی ل دیوانا جڤاتا وه‌زیران كۆم بوون و د كۆمبوونێ دا بریار هاتییه‌ دان، كو رێژه‌یا گازوایلێ بۆ كارپێكرنا وه‌ستگه‌ها كاره‌با پارێزگه‌ها دهۆكێ بهێته‌ زێده‌كرن و ببیته‌ ملیۆنه‌ك و دوسه‌د هزار لترێن رۆژانه‌.
د راگه‌هاندنێ دا هاتییه‌ ژی: هه‌ر د كۆمبوونێ دا دوپاتی ل پرۆژه‌یێ چاره‌كرنا كێشه‌یا كاره‌با دهۆكێ و ده‌ڤه‌ردارییا سۆران هاتییه‌ كرن، یاكو پێشتر ب فه‌رمانا سه‌رۆكێ جڤاتا وه‌زیران كۆژمه‌یێ پازده‌ ملیۆن دۆلاران بۆ هاتینه‌ ته‌رخانكرن.

بابه‌تێن ب ڤێ مژارێ ڤه‌ گرێدای