جڤاتا ئاساییشا نشتیمانییا ئیراقێ لدۆر هێرشێن سه‌ر حه‌شدێ كۆمبوو

جڤاتا ئاساییشا نشتیمانییا ئیراقێ لدۆر هێرشێن سه‌ر حه‌شدێ كۆمبوو

WAAR-دهۆك:

جڤاتا ئاساییشا نشتیمانییا ئیراقێ ئه‌ڤرۆ ب سه‌رۆكاتییا عه‌بدولمه‌هدی كۆمبوو و گۆتوبێژا رێكارێن پاراستنا كۆگه‌هێن چه‌كی ژ هێرشان كرن.
جڤاتا ئاساییشا نشتیمانییا ئیراقێ، ئه‌ڤرۆ ب سه‌رۆكاتییا عادل عه‌بدولمه‌هدی سه‌رۆك وه‌زیر و فه‌رماندارێ گشتی یێ هێزێن چه‌كدارێن ئیراقێ كۆمبوو، بریارا قه‌ده‌غه‌یا فرینا فرۆكه‌یێن شه‌ركه‌ر یێن بیانی ل ئاسمانێ ئیراقێ، هه‌روه‌ها هێرشێن سه‌ر كۆگه‌هێن چه‌كێ حه‌شدا شه‌عبی گۆتوبێژ كرن.
ئۆفیسا عادل عه‌بدولمه‌هدی د به‌یانه‌كێ دا دیاركر، كۆمبوونا جڤاتا ئاساییشا نشتیمانی دوپاتی ل پابه‌ندبوونێ ل بجهئینانا بریارا قه‌ده‌غێ كر، هه‌روه‌ها دابینكرنا چه‌كێ پێدڤی ژبۆ هێزێن ئاسمانی یێن ئیراقێ ژبۆ سه‌ره‌ده‌ریێ دگه‌ل هه‌ر ره‌وشه‌كێ.
دا زانین ژی، رێكارێن پێدڤی ژبۆ ڤه‌گوهاستنا ته‌ڤ كۆگه‌هێن چه‌كی بۆ جهێن ئێمن ل ده‌رڤه‌ی باژاران هات كرن.
ل ده‌ما بۆری چار كۆگه‌هێن حه‌شدا شه‌عبی ل ئیراقێ هاتن په‌قاندن، ئسرائیل ژی ب هێرشكرنا سه‌ر وان كۆگه‌هان سووچباره‌.

بابه‌تێن ب ڤێ مژارێ ڤه‌ گرێدای