جڤاتا ئابۆری یا هه‌رێما كوردستانێ هه‌ژماره‌كا بریاران ده‌رێخست

جڤاتا ئابۆری یا هه‌رێما كوردستانێ هه‌ژماره‌كا بریاران ده‌رێخست

وار – دهۆک :

ئه‌ڤرۆ ب سه‌رۆكاتییا نێچیرڤان بارزانی سه‌رۆك وه‌زیر و سه‌رۆكێ جڤاتا ئابۆری یا هه‌رێمێ، جڤاتا ئابۆری كۆمبوونه‌ك ئه‌نجامدا و تێدا هه‌ژماره‌كا بابه‌تێن گرنگ و گرێدایی بارێ ئابۆری یێ هه‌رێمێ گۆتوبێژكرن و هه‌ژماره‌كا بریاران ده‌ركرن.
ل گۆری مالپه‌رێ فه‌رمی یێ حكومه‌تا هه‌رێما كوردستانێ، وه‌زیرێ كشتوكالی هه‌ژماره‌كا پرۆژه‌یێن ستراتیژی پێشكێشكرن و تێدا داخوازا پشته‌ڤانییا دارایی بۆ وان پرۆژان كر و جڤاتێ ژی، پشته‌ڤانییا خوه‌ بۆ وان پرۆژان دیاركر و سه‌رۆكێ جڤاتێ خواست، ژێده‌رێن دارایی بۆ پاره‌داركرنا وان پرۆژان بهێنه‌ دیتن.
دیسان بریار هاته‌ دان وه‌زاره‌تا دارایی، داهاتێ كومپانیێن بیمه‌یان ژ سه‌دێ 20 بكه‌ته‌ سه‌دێ 5 و هه‌روه‌سا بریار هاته‌دان، قانوونا پاراستنا به‌رهه‌مێن نشتیمانی كو نها ل هه‌رێمێ كار پێ ناهێته‌كرن، بۆ وه‌زاره‌تا پیشه‌سازی بهێته‌ هنارتن و پاشان پشتی ل په‌رله‌مانی دهێته‌ په‌سه‌ندكرن، بهێته ‌بجهئینان.

بابه‌تێن ب ڤێ مژارێ ڤه‌ گرێدای