جوانى گرنگتره‌ یان ره‌وشت؟

ژێگر سادق

ب دیتنا من جوانی ژ کەسەکی بۆ کەسەکێ دیتر یا جیاوازە و جوانیێ ژی گرنگیا خوە ھەیە و جوانیا ژنێ دبیت دابەش ببیت ب سەر چەند جورەکاندا وەکی رەفتار و رەوشت و مرۆڤایەتی و جوانیا سەر و چاڤان، بەلێ یا گرنگ دخێزانێ دا بەردەوامبوونە و یا گرنگە ھەڤژین بزانن نەبەس ھەیڤەکێ یێن دمەھا ھنگڤینی دا، بەلکو ھەمی ژیانا وان خوشی و ھنگڤین بیت.

نوکە سەردەمێ ھەلبژارتنێ یە د ھەمی بوارێن ژیانێ دا و دڤێت مرۆڤ یێ ئازاد بیت د ھەلبژارتنا تشتان دا بۆ ژیانا خوە و ب تایبەتی ئەگەر ژیانا ھەڤژینیێ بیت، ژ بەرکو مرۆڤ بۆ ماوەیەکێ درێژ دگەل ئێک دمینیت و جوانی بۆ ھەڤژینان یا گرنگە و گەلەک جارا دەمێ باسێ جوانیا کچێ دھێتە کرن ھەمی دێ بێژن مەرج رەوشتە ئەڤە راستە، بەلێ جوانیێ ژی خوشیا خوە ھەیە پتریا خەلکی دێ بینی دوو رووینە و راست نابێژن ھەکە ھەمی حەز جوانیا ژنێ دکەن و سەبارەت بابەتێ رەوشتی ئەو باتەکێ دی یە، ژ بەرکو رەوشت ژ مللەتەکی بۆ مللەتەکێ دیتر دھێتە گوھۆرین و پێغەمبەرێ مە ژی گرنگی ب جوانیێ دایە و گۆتی یە وێ ژنێ ب ھەلبژێرە یا کەیفا تە پێ بھێت و خوشیێ دگەل ببەی و گوھداریا تە بکەت لڤێرە دیار دبیت جوانیێ بھایێ خوە یێ ھەی، بەلێ دیتنێن ھەمی زەلامان بۆ جوانیێ ئێک نینن دبیت ھەر زەلامەک ژنەکێ بۆ خوە جوان ببینیت لڤێرە جوانی تشتەکێ رێژەییە و خودێ یێ جوانە ھەر ژ بەرھندێ حەز جوانیێ دکەت.

نوکە جوانیێ کارتێکرن یا ل ژیانا مە ھەمیان کری جوانیا ژنێ بۆ زەلامی گەلەکە و نەکێمترە ژ ھەر تشتەکێ دیتر، بەلێ بۆ پێکئینانا خێزانەکا بەختەوەر و سەرکەفتی جوانی ب تنی نەشێت خێزانێ درۆست بکەت، بەلکو جوانی دگەل ھندەک خالێن دی پێکڤە خێزانێ تمام دکەن و ئەگەر گەنجێ مە خێزانەکا بەختەوەر بڤێت بەس ل دویڤ پیڤەر و مەرجێ جوانێ ل دەڤ کچێ ناچیت، ژ بەرکو یا گرنگە ھەڤژین بەردەوام ب عەشق و ئەڤینێ بژین و رێزێ ل ھەڤدو بگرن و پێکڤە ب روینەخوارێ و گوھداریا ئێک و دوو بکەن و لێک تێگەھشتنەکا باش د ناڤبەرا وان دا ھەبیت و یا گرنگە ئاستێ رەوشەنبیری یێ وەک ھەڤ بیت بلا ئاستێ خواندنێ یێ وەک ھەڤ نەبیت، ژ بەرکو رەوشەنبیری یا گرنگە بۆ خێزانێ.

هه‌روه‌سات یا گرنگە خێزان ئاریشان درۆست نەکەن و ئەگەر درۆست بوون ب سینگەکێ مەزن گیانێ لێ بۆرینێ ل دەڤ وان ھەبیت و ئەڤ چەندە ژی خالەکا گرنگە بۆ سەرکەفتنا خێزانێ و دڤێت ژن و زەلام ھەردەم دبەرھەڤ بن بۆ قوربانیدانێ، ژ بەرکو ژیانا ھەڤژینێ پێدڤی ب قوربانی دانێ ھەیە نەک رەڤین ژ بەرپرسیاریەتیێ و دڤێت ھەڤژین باوەریێ درۆست بکەن و ب تنێ ب رێکا ئەڤینەکا پاقژ باوەری درۆست دبیت، راستە ھەمی کەس دشێن خێزانێ ژیانا ھەڤژینیێ پێک بینن بەس کێم کەس دشێن ژیانەکا خوش و بەختەوەر درۆست بکەن و ھندەک زەلام ھەنە پشتی پێک ئینانا خێزانێ دێ بینی بەردەوام ژ مال درەڤن و رۆژ بۆ رۆژێ دێ دوور کەفتن دناڤبەرا وی و ھەڤژینا وی دا درۆست بیت یا گرنگە زەلام باوەر نەکەت کا دێ کەنگی کارێ وی بدوماھیک ھێت کو ب چیتە دەڤ خێزانا خوە.

ل دوماهیكێ چه‌ندا سه‌یره‌ ده‌مێ پترییا كچ و كۆران دبێژن جوانى نه‌شه‌رته‌ به‌لكو ره‌وشت مه‌رجه‌، ل ده‌مه‌كى هه‌موو یێ ب دویڤ جوانیێ ڤه‌ یا گرنگه‌ د راستگو بین و بزانین هه‌موو تشتان بهایێ خوه‌ هه‌یه‌ ب قه‌ده‌ر سه‌نگا خوه‌.

بابه‌تێن ب ڤێ مژارێ ڤه‌ گرێدای