جه‌نه‌رال لوید ئۆستن: كوردان ل سووریێ رۆله‌كێ مه‌زن د پاشڤه‌برنا داعشێ دا دیتییه‌

جه‌نه‌رال لوید ئۆستن: كوردان ل سووریێ رۆله‌كێ مه‌زن د پاشڤه‌برنا داعشێ دا دیتییه‌

وار – دهوك :

فه‌رمانده‌یێ فه‌رمانده‌یا ناڤینا سوپایێ ئه‌مریكا رادگه‌هینیت؛ كوردان رۆله‌كا گه‌له‌ك مه‌زن ل سووریێ د شه‌ڕێ دژی داعشێ دا دیتییه‌ و ئه‌و رێكخستن نه‌چاركرییه‌ پاشڤه‌كیشانێ بكه‌ت.

جه‌نه‌رال لوید ئۆستن ل همبه‌ری لژنا هێزێن چه‌كدار ل جڤاتا پیران، باس ل رۆلا شه‌ڕڤانێن كورد ل رۆژئاڤایێ كوردستانێ كر كو تیرۆرستێن داعشێ پاشڤه‌برینه‌ و گۆت: 10 هزار كه‌س ژ یه‌كینه‌یێن پاراستنا گه‌ل نها شه‌ڕی ل دژی داعشێ دكه‌ن و سه‌ركه‌ڤتن ئیناینه‌ و هه‌ڤسه‌نگییا هێزێ گوهاڕتییه‌.
هه‌روه‌سا گۆت: هه‌ر چه‌نده‌ به‌رنامه‌یا مه‌شقا ئۆپۆزسیۆنا سووریێ سه‌ركه‌ڤتنه‌كا باش نه‌ئینایه‌، لێ ئه‌مریكا دێ یا به‌رده‌وامبیت لسه‌ر وێ به‌رنامه‌یا خوه‌ و د نها دا پشت به‌ستن لسه‌ر هێزێن كوردی یه‌.
جه‌نرال ئۆستن د ئالییه‌كێ دیێ گۆتنێن خوه‌ دا، باس ل بزاڤێن دروستكرنا ده‌ڤه‌ره‌كا ئارام ل سووریێ كر و گۆت: ئه‌و دێ ل دژی وان بزاڤا راوه‌ستن و دگه‌ل نینن ده‌ڤه‌ره‌كا ئارام لسه‌ر ئاخا سووریێ بهێته‌ دروستكرن.

بابه‌تێن ب ڤێ مژارێ ڤه‌ گرێدای