WAAR-دهوك:
بۆ جارا دوێێ د دیرۆکا خوە دا ھەلبژارتیێ جەزائیر بناسناڤێ کوپا ئەفریکا ھاتە خەلاتکرن. دەمێ د فینالێ دا سەرکەڤتنەکا ب زەحمەت لسەر ھەلبژارتیێ سینیگالێ ب گۆلەکێ بێ بەرامبەر تۆمارکری. پشتی بۆرینا 2 خۆلەکان بەغداد بۆ نەجاحی گۆلا پێشکەڤتنێ بۆ جەزائیرێ تۆمارکر و ددیڤدا ھەلبژارتیێ سینیگالێ ب سەرکێشییا ستێرا خوە سادیۆ مانی چەندین دەلیڤەیێن گۆلکرنێ درۆستکرن و گۆمانا پەنەلتییەکێ ژی پەیدابوو لێ پشتی بکارئینانا ڤارێ دادڤانێ یاریێ نە ھەژمارت و یاری ب سەرکەڤتنا جەزائیر ب گۆلەکێ بێ بەرامبەر بداوی ھات و بناسناڤی ھاتە خەلاتکرن کۆ دبیتە ناسناڤێ وێ یێ دوێێ پشتی ل سالا 1990 گەھشتییە ڤی دەستکەڤتی.
