جه‌به‌ل تارق: دوباره‌ ده‌ستان ب سه‌ر كه‌شتییا ئیرانی دا ناگرین

جه‌به‌ل تارق: دوباره‌ ده‌ستان ب سه‌ر كه‌شتییا ئیرانی دا ناگرین

 

WAAR- دهوك:
هه‌رێما جه‌به‌ل تارق یا بریتانی داخوازا ئه‌مریكا یا دوباره‌ ده‌ستبسه‌رداگرتنا كه‌شتییا ئیرانی ره‌ت كر و ده‌ستان ب سه‌ر دا ناگریت.
حكوومه‌تا هه‌رێما جه‌به‌ل تارق یا بن ده‌ستهه‌لاتا بریتانیا به‌یانه‌ك ده‌رباره‌ی داخوازییا ئه‌مریكا یا دوباره‌ ده‌ستبسه‌رداگرتنا كه‌شتییا ئیرانی یا ڤه‌گۆهاستنا په‌ترۆلێ به‌لاڤ كر و تێدا راگه‌هاند: جه‌به‌ل تارق یا پێگره‌ ب یاسایێن ئێكه‌تیا ئه‌ورۆپا و حكوومه‌ت نه‌شێت چ بریاران ژ دادگه‌ها بلند ده‌ربكه‌ت و دوباره‌ ده‌ستان ب سه‌ر كه‌شتییێ دا ناگریت.
رۆژا پێنجشه‌مبێ دادگه‌ها بلندا هه‌رێما جه‌به‌ل تارقێ بریارا ئازادكرنا كه‌شتییا ئیرانی دابوو و رۆژا ئه‌ینییێ وه‌زاره‌تا داد یا ئه‌مریكا ژی ب فه‌رمی ژ جه‌به‌ل تارقێ خواست كه‌شتییا ئیرانی ده‌ستبسه‌رداگرتی بمینیت، ئاشكه‌را كر: سوپایێ پاسداران كه‌شتی بۆ هنارتنا په‌ترۆلێ بۆ رژێما سووریا بكار دئینا.

بابه‌تێن ب ڤێ مژارێ ڤه‌ گرێدای