جنێف.. کوردەکی ل ھەمبەر بارەگایێ نەتەوەیێن ئێکگرتی ئاگر بەردا خوە

جنێف.. کوردەکی ل ھەمبەر بارەگایێ نەتەوەیێن ئێکگرتی ئاگر بەردا خوە

WAAR-دهۆك:

گەنجەکی کورد یێ خەلکێ رۆژئاڤایێ کوردستانێ ل ھەمبەری بارەگایێ کۆمسیۆنا بلند یا پەنابەران یا سەر ب نەتەوەیێن ئێکگرتی ڤە ل جنێڤ یا سویسرا، ئاگر بەردا خوە.
لیز ترۆسیل، پەیڤدارا کۆمسیۆنا بلند یا پەنابەران یا سەر ب نەتەوەیێن ئێکگرتی ڤە راگەھاند: ئەڤرۆ گەنجەکی کورد یێ خەلکێ رۆژئاڤا کو ژ دایکبوویێ سالا ١٩٨٨ێ یە، خوەجھێ ئەلمانیایە ل ھەمبەری بارەگایێ کۆمسیۆنێ ل جنێڤێ پانزین ب لەشێ خوە داکر و ئاگر بەردا خوە.
گۆت ژی: ھەر زوو پۆلیس د ھانا وی چووینە و ب ھەلیکۆپتەرەکێ بۆ نەخوەشخانەیەکا جنێڤێ ھاتییە ڤەگۆھاستن، لێ تا نھا ئەگەرێن خوە سۆتنا وی گەنجی ئاشکەرانەبوویە، لێ پۆلیس گۆمانێ دبەن کو ژ بەر ئالۆزیێن سووریێ و رۆژئاڤایێ کوردستانێ ئەو چەندە کربیت.

بابه‌تێن ب ڤێ مژارێ ڤه‌ گرێدای