تەمەللی: یێن دژی ناڤێ کوردستانێ نھا بخوە وی ناڤی دئینن

تەمەللی: یێن دژی ناڤێ کوردستانێ نھا بخوە وی ناڤی دئینن

WAAR-دهۆك:

ھەڤسەرۆکێ گشتیێ پارتییا دیمۆکراتیک یا گەلان ھەدەپێ راگەھاند؛ ئەو کەسێن ژبەر ناڤێ کوردستانێ ھێرشی وان دکر، نھا ئەو بخوە ناڤێ کوردستانێ دئینن و بزاڤان دکەن ب کوردی باخڤن.
سەزایی تەمەللی د کۆمبوونا دەستەیا ھەڤسۆزی و ھاریکارییا جڤاکی دا ل ستەنبۆلێ راگەھاند؛ قۆناغا سڤکاتیکرنێ ب داوی ھاتیە و نھا قۆناغا ترانەکرنێ ب عەقلێ وان دەستپێکرییە، ئه‌ویێن بەری نھا ژبەر ناڤێ کوردستانێ ھێرشی وان دکر، نھا ئەو ب خوە ناڤێ کوردستانێ دئینن و بزاڤان ب کوردی باخڤن.
تەمەللی بەحس ل ھەلبژارتنێ شارەدارییا ستەنبۆلێ کر و راگەھاند؛ کارێن ھەدەپێ دیارن، د ھەلبژارتنێن سیھـ و ئێکی ئادارێ دا چ کرییە دێ ل بیست و سیێ خزیرانێ ژی ھەر وێ کەت.
گۆت ژی: د بیست و پینج سالێن دەستھەلاتا ئاکەپێ دا ل ستەنبۆلێ، سیاسەتێن ئاڤەدانکرنێ و ڤەگوھاستنێ ب شاشی ھاتینە برێڤەبەرن، لەورا ئەو دێ نەرازیبوونا ل سەر وێ رێڤەبەرنێ ئێخنە د سندۆقێن دەنگدانێ دا.

بابه‌تێن ب ڤێ مژارێ ڤه‌ گرێدای