تێکچوونا خەوێ د مەها رەمەزانێ دا

تێکچوونا خەوێ د مەها رەمەزانێ دا

 

Capture

وار – ئومێد محمد بناڤی :

بێ گۆمان خه‌وتن د ده‌مێن رۆژێ دا و هشیاربوون د ده‌مێن شه‌ڤێ دا گه‌له‌ک یا به‌ربه‌لاڤه‌ ب تایبه‌ت دناڤ گه‌نجان دا د مه‌هێن بێهنڤه‌دانێ دا، چ ئه‌گه‌رێ ئه‌ڤێ چه‌ندێ کۆشتنا ده‌می بیت، ره‌ڤین بیت ژ راستییێن ژیانێ، یان ژی بتنێ بێ هێزییه‌ک بیت‌ و ره‌وشته‌کێ فێربووی بیت، هه‌ر که‌سه‌کی دێ ئه‌گه‌ره‌ک هه‌بیت، لێ ئه‌و راستییا من دڤێت ته‌که‌زێ لسه‌ر بکه‌م ” چێنابیت مرۆڤ لسه‌ر ڤی ره‌وشتی‌ یێ به‌رده‌وام بیت”.
خۆدایێ مه‌زن د قورئانا خوه‌ یا پیرۆزدا رۆناهی دایه‌ لسه‌ر وێ چه‌ندێ کو شه‌ڤ ده‌مێ خه‌وتنێ یه‌، و رۆژ ده‌مێ هشیاربوونێ یه‌ و گه‌ریانه‌ لدوور بۆراندنا ژیانا خوه‌ و کارکرنێ، ئه‌رێ ئه‌گه‌رێن ڤه‌شارتی یێن ساخله‌می ل پشت ئه‌ڤێ ئاخفتنێ چنه‌؟
ده‌مێ مرۆڤ دژی سرۆشتی رادوه‌ستیت، هه‌روه‌کی خه‌وتن ل ده‌مێن رۆژێ و هشیاربوون ل ده‌مێن شه‌ڤێ، له‌شێ مرۆڤی پتر بێ هێز و خاڤ دبیت. ساتێن هشیاربوونێ، گه‌له‌ک جودا نینن‌ ژ ده‌مێن خه‌وتنێ ژ ئه‌گه‌رێ بێ هێزیا مرۆڤی، و مرۆڤ دهێته‌ جودا کرن ژ ده‌می. هه‌رچه‌نده‌ مرۆڤ هه‌ست پێ ناکه‌ت، لێ بشێوه‌کێ راسته‌وخوه‌ کارتێکرنێ لسه‌ر ده‌مژمێرا بایۆلۆجی یا له‌شێ مرۆڤی دکه‌ت، و خوارن و ساخله‌مییا مرۆڤی تێکدچیت، هه‌تا راده‌کی کو مرۆڤ هه‌ست ب نه‌خوه‌شبوونێ دکه‌ت، ئه‌ڤ خاله‌ بشێوه‌کێ گشتی کارتێکرنێ لسه‌ر هه‌بوونا مرۆڤی دکه‌ت و ئه‌نجامدانا هیڤییێن مرۆڤی و بده‌ستڤه‌ئینانا خه‌ونێن خوه‌.
د مه‌ها ره‌مه‌زانێ دا، گه‌له‌ک که‌س ب چ شێوه‌یان هه‌ست ب رۆژیگرتنێ ناکه‌ن، و خوه‌ ژ مفایێن رۆژیگرتنێ بێ به‌هر دکه‌ن، ئه‌وژی ژ ئه‌گه‌رێ خه‌وتنێ ژ ده‌مێ پاشیڤێ تاکو ده‌مێ فتارێ، و ئه‌ڤه‌ دهێته‌ هه‌ژمارتن ژ خرابترین ره‌وشتان د مه‌ها ره‌مه‌زانێ دا کو خوارن بشێوه‌کێ به‌رده‌وام بۆ ماوه‌یێ چه‌ند ساتێن درێژ دمینیته‌ دناڤ کوئه‌ندامێ هه‌رس دا و ده‌مه‌کێ پتر د مه‌زێخیت ژبۆ به‌کتریایێن کۆئه‌ندامێ هه‌رسێ کو کارتێکرنێ لسه‌ر ئه‌ڤێ خوارنێ بکه‌ن و ببنه‌ ئه‌گه‌رێ هه‌ودانان.

بابه‌تێن ب ڤێ مژارێ ڤه‌ گرێدای