تیمه‌كا رێڤه‌به‌رێن راهێنانێن پیشه‌یی یێن هه‌رێمێ و ئیراقێ ل ژاپۆنێ نه‌

تیمه‌كا رێڤه‌به‌رێن راهێنانێن پیشه‌یی یێن هه‌رێمێ و ئیراقێ ل ژاپۆنێ نه‌

WAAR-دهۆك:

تێمەکێ رێڤەبەریێن راهێنانێن پیشەی ل ئیراقێ و کوردستانێ بۆ دەما دو حەفتییانه‌ ل ژاپۆنێ خولەکا بهێزکرنێ وەردگرن.
نیبار شینۆ رێڤەبەرێ راهێنانێن پیشەیی ل دهۆكێ بۆ وار راگەهاند؛ تیمەکێ ده‌هـ کەسی ژ ئیراقێ و هەرێما کوردستانێ نیزیکی دو حەفتییانە ل تۆکیۆ خولەکا نووکرنا رێکێن راهێنانێن ساخله‌میێ و سلامەتییا پیشەیی وەردگرن و گۆت: ژ هەرێما کوردستانێ سێ کەس پشكداری وێ خولێ نه‌.
نیبار شینۆ ئاماژه‌كر، خول ب ئاوایه‌كێ پڕاکتیکی و تیۆری دهێت پێشکێشکرن و سەرەدانێن مەیدانی ژی بۆ چەندین کارگەهـ و باژێڕێن وی وه‌لاتی هاتینه‌ كرن.
رێڤه‌به‌رێ راهێنانێن پیشه‌یی هه‌روه‌ها دا زانین، سوبه‌هی رۆژا ئه‌ینیێ خەلاتێ هەرێما کوردستانێ دێ د رێوره‌سما ب دوماهی هاتنا خولێ دا، پێشکێشی کاربدەستێن حکومەتا ژاپۆنێ هێت كرن.

بابه‌تێن ب ڤێ مژارێ ڤه‌ گرێدای