تیتى : من گومان لسه‌ر ته‌كنولوجیا ڤار نینه‌

تیتى : من گومان لسه‌ر ته‌كنولوجیا ڤار نینه‌

WAAR-دهۆك:

ھەلبژارتییێ بەرازیلێ بێ گۆل دگەل ھەلبژارتییێ ڤێنزوێلا وەکھەڤبوو ژ چارچووڤێ یاریێن گەرا دووێ یێن کۆما ئێکێ یا کوپا ئەمریکا . ل خۆلەکا ٦٠ گابریێل خیسوسی گۆلا پێشکەڤتنێ بو بەرازیلێ تۆمارکر، لێ ب ئەگەرێ ئوفسایدێ نەھاتە ھژمارتن، و بەری بداوی ھاتنا دەمێ دروستێ یارییێ ب سێ خۆلەکان ھەڤالێ وی فیلیپ کویتینیوی ژی گولەک تۆمارکر لێ ب ھەمان ئەگەر نەھاتە ھژمارتن و یاری ب وەکھەڤییا بێ گۆل بداوی ھات.
راھێنەرێ ھەلبژارتییێ بەرازیلێ تیتی دیارکر وی چ گومان لسەر تەکنولوجیا ڤیدیویا دووبارەکری نین، و دڤێت ئاستێ خۆ بۆ یاریێن بھێن باشتر لێ بکەن . دپرێسکونفرانسێ پشتی دیدارا ڤێنزوێلا دا راھێنەرێ سامبایێ ئاشکراکر، سەرباری رەتکرنا گۆلێن بەرازیلێ وی چ گومان لسەر ڤیدیویا دووبارەکری نینن، بریارێن ڤارێ دیاریێ دا دروست بوون و لسەر تیما وی پێدڤییە ل شوونا رەخنەیان لڤێ تەکنولوجیایێ بگریت، بشێوەیەکآ باشتر خۆ نیشانبدەت، ڤیدیویا دووبارەکری دیارکر کو ل ھەردوو گۆلان یاریکەر دئوفسایدێ دا بوون ئەڤجا وی چ نینە گلەیان لسەر بکەت، و لدوور یارییێ تیتی ئاشکراکر، ئەو ژ نە تمامکرنا ھێرشان و نە تۆمارکرنا گۆلان یێ دلگرانە و دڤێت ئاستێ خۆ بۆ یاریێن بھێن باشتر لێبکەت.

بابه‌تێن ب ڤێ مژارێ ڤه‌ گرێدای