تو ب خوە مۆبایلا خوە راستڤەکە

تو ب خوە مۆبایلا خوە راستڤەکە

وار – دهۆک :

د داهێنانەکا نوو یا جیهانا مۆبایلێن ژیر دا، کۆمپانیا گۆگل دخوازیت ئامیرەکێ نوو پێشکێشبکەت کو د شیان دایە ب هێسانی پارچەیێن وی بهێنە گوهارتن، ئەڤە ژی دێ بیتە هاندەرەک بۆ بکارئینەری مۆبایلا خوە دەم بۆ دەمی نوو بکەت و بۆ دەمەکێ درێژ بکاربینیت. بڕیارە ل داویا ئەڤ ساله‌ مۆبایل بکەڤیتە ناڤ بازاڕی.
پرۆژەیێ “ئارا”، یێ کو ژ بال کۆمپانیا گۆگل ڤە هاتیە دانان، رێکێ ددەتە هەر بکارئینەرەکی مۆبایلا خوە ل گۆر پێدڤیاتیێن خوە پێکبینیت، ب رێکا پێشئێخستنا هندەک یەکەیێن دیجیتال کو شیانێن ژێڤەکرن و گرێدانا وان هێسانە، ئەڤ چەندە ژی دێ بیتە هاندەر بۆ بکارئینەری مۆبایلا خوە ب نووترین داهێنان ئامادە بکەت.
کۆمپانیا گۆگل نها رادبیت ب دروستکرنا کەلواشێ ناڤخۆ یێ مۆبایلێ، لێ پێکهاتەیێن دی یێن شیانێن ژێڤەکرنێ هەین مینا پاتری، شاشە و تشتێن دن، دێ ژ بال بەرهەمهێنەرەکێ دن ڤە هێنە ئامادەکرن.
پرۆژەیێ “ئارا” یێ گۆگلێ ل سالا ٢٠١٣دەستپێکریە، ل گۆر کۆمپانیایێ دێ مۆبایلا نوو ب شێوەیێ تێست ل “پۆرتۆریکۆ” ل دوماهیا ئەڤ سالە ٢٠١٥ رەواجا وێ هێتە کرن.
کەلواشێ ناڤخۆ یێ مۆبایلێ دێ ب سێ قەبارەیان هێتە دروستکرن، لسەر ڤی کەلواشی دێ پێکهاتەیێن جودا ب رێکا هەلگرێ مۆگناتیسی هێنە دانان. گۆگل دێ یەکەیەکا پێشئێخستنێ ب ناڤێ “کیت” و ئامرازەکێ دیجیتال بۆ پاراستنا پێزانینێن پێدڤی دەرباره‌ی زێدەکرنا یەکەیێن پێدڤی، چێکەت. ل دووڤ ڤێ دا، کۆمپانیا گۆگل دخوازیت هندەک یەکەیان ب رێکا ئینتەرنێتێ ب فرۆشیت مینا یەکەیا پیڤانا شەکرێ ل ناڤ خوونێ.

ژ:
http://www.dw.de/

بابه‌تێن ب ڤێ مژارێ ڤه‌ گرێدای