توونس.. هەلبژارتنێن سەرۆکاتیێ دهێنە کرن

توونس.. هەلبژارتنێن سەرۆکاتیێ دهێنە کرن

WAAR-دهۆك:

ئەڤرۆ هەلبژارتنێن سەرۆکاتییا توونسێ دهێنە کرن و 26 کەس بەربژارن.
گەڕا ئێکێ یا هەلبژارتنێن سەرۆکاتییا توونسێ ئەڤرۆ دهێتە کرن، 26 کەس بەربژارن کۆ ئێک ژ وان زیندانکرییە، 2 بەربژارێن دی سەرۆکوەزیرێن بەرێ نە، ژمارەکا دی یا بەربژاران پێشتر وەزیر یان پەڕلەمانتار بوون و عەبدولفەتاح مۆرۆ، سەرۆکێ پەرلەمانێ تونسێ کۆ ژ تەڤگەرا نەهزە یە و ئیسلامی یە، ژ بەربژارێن بهێزە.
حکوومەتا توونسێ بۆ پاراستنا بنگەهێن هەلبژارتنان، پتری 70 هزار ئەندامێن تیمێن ئێمناهیێ بەلاڤ کرینە و 159 تیم بۆ بەرهنگارییا کریارێن تیرۆری هاتینە پێکئینان.
د گەڕا ئێکێ یا هەلبژارتنێن سەرۆکاتییا توونسێ دا گەر چ بەربژاران پڕانییا دەنگان بدەستڤە نەئینان، گەڕا دویێ بەری سێی چریا دویێ یا ئەڤ سالە دێ هێتە کرن.

بابه‌تێن ب ڤێ مژارێ ڤه‌ گرێدای