تورکیا.. 25 کەس ژ مالباتا بەغدای ھاتن گرتن

تورکیا.. 25 کەس ژ مالباتا بەغدای ھاتن گرتن

WAAR-دهۆك:

25 کەس ژ مالباتا سەرکردەیێ بەرێ یێ رێکخستنا تیرۆرستی یا داعشێ ئەڤرۆ ل تورکیا و باکۆرێ کوردستانێ ھاتن گرتن.
دۆزگەرییا گشتی یا کۆمارییا باژارێ قرشەھرێ د داخویانییەکا نڤیسکی دا راگەھاند؛ ئەڤرۆ ل قرشەھر، سەمسوون، ئوردو و رھایێ، د ھەژمارەکا ئۆپەراسیۆنێن ھەڤدەمی دا 25 ئەندامێن نزیک ژ مالباتا ئەبۆبەکر بەغدادی ھاتن گرتن کو 2 ژوان زارۆ بوون.
د داخویانیی دا ھات ئاشکرا کرن: پشتی ئەو کەسە بۆ دادگەھێ ھاتینە ڤەگوھاستن، دادگەھێ ب سووچا ئەندامەتییا وێ رێکخستنا تیرۆرستی بریارا زیندانکرنا چار ژ وان دا یێن مایی ژی کو نۆزدە کەس و دو زارۆ بوون، ژبۆ دیپۆرتکرنا وان رادەستی پارێزگەھا قرشەھرێ کرن.

بابه‌تێن ب ڤێ مژارێ ڤه‌ گرێدای