تورکیا هێز و نۆشدار ھنارتنە سنۆرێ رۆژئاڤایێ کوردستانێ

تورکیا هێز و نۆشدار ھنارتنە سنۆرێ رۆژئاڤایێ کوردستانێ

WAAR-دهۆك:

حکومەتا تورکیا ھەژمارەکا نۆشداران ژ باژارێن باکۆرێ کوردستانێ رەوانەی سەر سنۆرێ سووریێ کرینە، وەکو بەرھەڤییەک بۆ ھێرشا پێشبینیکری ل سەر باکۆرێ سووریێ، مۆلەتێن نۆشداران ژی ل وان دەڤەران راوەستاندینە.
ئاژانسا رویتەرز ژ زارێ دو ژێدەرێن ئەمنی یێن تورکیا ئاشکرا کر، حکومەتا ئەنقەرە ھەژمارەکا نۆشداران ژ باژارێن مەزن وەکو روھایێ و مێردینێ ھنارتینە سەر سنۆرێ رۆژئاڤایێ کوردستانێ و ئێخستیەن د ئامادەباشییێ دا ، وەکو بەرھەڤییەک بۆ ھێرشا پێشبینیکری یا سوپایێ تورکیا ل سەر رۆژھەلاتێ فوراتی.
ل گۆرەی گۆتنا ژێدەران، ئەردۆغانێ سەرۆککۆمار ترس ژ ھەبوونا شەرڤانێن کورد ل باکۆر و رۆژھەلاتێ سووریێ ھەیە، لێ ھێرشا پێشبینکری د ڤێ مەھێ دا ناھێت کرن.
ژێدەران ئاشکرا ژی کر، مۆلەت و بێھنڤەدانێن نۆشداران ل دەڤەرێن سنۆری ھاتینە راوەستاندن ژ بەر ھێرشا پێشبینیکری، نھا ژی ھەموو رێکارێن پێدڤی بۆ وێ ھێرشێ ھاتینە کرن.

بابه‌تێن ب ڤێ مژارێ ڤه‌ گرێدای