تورکیا مۆلەتا دەرخستنا کۆچبەرێن سووری ل ستەنبۆلێ درێژ کر

تورکیا مۆلەتا دەرخستنا کۆچبەرێن سووری ل ستەنبۆلێ درێژ کر

WAAR-دهوك:

وەزیرێ ناڤخوەیا تورکیا راگەھاند؛ حکومەتێ مۆلەتا کۆچبەرێن سووری یێن نەتۆمارکری، تا رۆژا سیھی چریا ئێکێ درێژ کر کو ستەنبۆلێ بجھـ بھێلن یان ژی دێ ب زۆری ھێنە دەرخستن.
سولەیمان سویلو راگەھاند؛ مۆلەتا کۆچبەرێن سووری تا داویا مەھا چریا ئێکێ یا بھێت ھات درێژکرن، ئەو کۆچبەر ژی ئازادن ل ھەر دەڤەرەکا تورکیا ئاکنجی بن، ژبلی پارێزگەھا ئەنتالیا ل باشۆرێ وی وەلاتی.
سویلو ئاشکرا کر، خویندکار و مالباتێن وان و کەسێن کارێن فەرمی ل ستەنبۆلێ ھەین دێ ژ وێ بریارێ ھێنە لێبۆرین.
گۆت ژی: تا نھا سێسەد و چل و حەفت ھزار وەلاتیێن سووری ڤەگەریاینە وەلاتێ خوە، تورکیا ژی ھندەک جھـ ل دەرڤەی سنۆرێن خوە دەستنیشانکرینە بۆ پێشوازیکرنا پێلەکا پێشبینیکری یا کۆچبەران ژ پارێزگەھا ئدلبێ.

بابه‌تێن ب ڤێ مژارێ ڤه‌ گرێدای