تورکیا: لادانا شارەداران نە بریارەکا دژی هەدەپێ یە

تورکیا: لادانا شارەداران نە بریارەکا دژی هەدەپێ یە

WAAR-دهوك:

سەرۆککۆمارییا تورکیا راگەهاند، کو لادانا هەرسێ شارەدارێن کورد نە بریارەکا دژی هەدەپێ بوو، لێ ژ بۆ دیمۆکراسییێ گرنگ بوو.
ئیبراهیم کالین، پەیڤدارێ سەرۆککۆمارێ تورکیا د کۆنگرەیەکێ رۆژنامەڤانی دا راگەهاند: گەلەک شارەدار ژ پارتییا دەمۆکراتیک یا گەلان، هەدەپی هێژ ل سەر کارێن خوە نە، واتە بریارا لادانا شارەدارێن ئامەد، مێردین و وانێ نە بریارەکا سیاسی ل دژی هەدەپێ بوو.
گۆت ژی: سووچێن پشتەڤانییا تیرۆرێ و ئەندامەتییا پارتییا کارکەرێن کوردستانێ، پەکەکێ ل سەر وان هەرسێ شارەداران هەبوون، لەورا بریارا لادانا وان ژ بۆ دیمۆکراسی و ئێمناهییا تورکیا گرنگ بوو.
پەیڤدارێ سەرۆککۆمارییا تورکیا دەربارەی دەڤەرا ئارام ل رۆژئاڤایێ کوردستانێ ژی راگەهاند: تورکیا و ئەمریکا هێژ ل سەر خالێن گرنگ هەڤرا نە و رۆژێن بهێن دێ سەرۆککۆمارێ تورکیا پەیوەندییەکا تێلەفۆنی ب سەرۆکێ ئەمریکا کەت.

بابه‌تێن ب ڤێ مژارێ ڤه‌ گرێدای