تورکیا رژدە دەڤەرا ئارام ب کووراتیا 32 کیلۆمەتران دروست بکەت

تورکیا رژدە دەڤەرا ئارام ب کووراتیا 32 کیلۆمەتران دروست بکەت

WAAR-دهۆك:

سەرۆککۆمارێ تورکیا دوپاتی ل دروستکرنا دەڤەرا ئارام ل رۆژئاڤایێ کوردستانێ ب کووراتیا 32و کیلۆمەتران کر و راگەھاند؛ ئەو یەک دێ دەلیڤێ ل بەر ڤەگەریانا پەنابەرێن سووری ڤەکەت.
رەجەب تەیب ئەردۆغان، راگەھاند؛ ئەو رژدن دەڤەرا ئارام ل باکۆرێ سووریێ ب درێژاھییا 450 کلیۆمەتر و ب کووراتییا 32 کیلۆمەتران دروست بکەن.
ئاشکرا ژی کر، دروستکرنا دەڤەرا ئارام ب وی شێوەی دێ دەلیڤێ ل بەر ڤەگەریانا پەنابەرێن سووری ڤەکەت و دێ پێدڤییێن وان یێن ساخلەمی و فێرکرنێ دابین کەت، ھەروەسا دێ شێن ل سەر ئاخا وەلاتێ خوە ژین و دوور ژ ژیانا کەمپ و خیڤەتان.
ل دۆر پشتەڤانییا ئەمریکا ژی بۆ شەرڤانێن کورد ل رۆژئاڤایێ کوردستانێ، ئەردۆغان ئاشکرا کر، تورکیا ئەنداما ناتۆیێ یە و شەری دژی گرۆپێن باکۆرێ سووریێ دکەت وەکو ئاماژەیەک بۆ شەرڤانێن یەپەگێ، لێ ئەمریکا چەکی بێبەرانبەر ددەتە وان گرۆپان و ب پارە نافرۆشتیتە ھەڤپەیمانا خوە یا تورکیا.

بابه‌تێن ب ڤێ مژارێ ڤه‌ گرێدای