تورکیا: راگرتنا دانا فرۆکەیێن F35 دێ کارتێکرنێ ل پەیوەندییان کەت

تورکیا: راگرتنا دانا فرۆکەیێن F35 دێ کارتێکرنێ ل پەیوەندییان کەت

WAAR-دهۆك:

وەزارەتا دەرڤە یا تورکیا بریارا ئەمریکا یا راگرتنا دانا فرۆکەیێن ئێف سیهـ و پێنج رەت کر، ئیدارەیا پێشەسازی و سەربازییا تورکیا ژی راگەهاند؛ تا بریار نەبیتە فەرمی، ئەنقەرە دی پێگیری وی پروگرامی بیت.
وەزارەتا دەرڤە یا تورکیا د بەیانەکێ دا راگەهاند، ئەمریکا بابەتێ کڕینا سیستەمێ ئێس چارسەد ژ ئالیێ تورکیا ڤە و دانا فرۆکەیێن ئێف سیهـ و پێنج پێکڤە گرێددەت، لێ ب دیتنا ئەنقەرە، وان بابەتان پەیوەندی ب ئێک ڤە نینە.
د بەیانێ دا هاتییە ژی، تورکیا وێ بڕیارا ئەمریکا رەت دکەت و نابینیت چ بەهانە بۆ وێ بڕیارێ هەبن و هەروەسا بریار دێ کارتێکرنێ ل پەیوەندیێن ئەنقەرە و واشنتۆن یێن ستراتیژی کەت.
ژ ئالێێ خوە ڤە ئەڤرۆ ئیدارەیا پێشەسازی و سەربازییا تورکیا راگەهاند؛ تا ئەمەریکا ب روونێ هەلوەستێ خوە لدۆر وێ یەکێ دیار د کەت و بریارێ نەکەت فەرمی، ئەنقەرە دی پێگیری وی پروگرامی بیت.
پنتاگۆنێ دوهی راگەهاندبوو، واشنتۆن ب فه‌رمی توركیا ژ پرۆگرامێ پێشخستنا فرۆكه‌یێن ئێف سیهـ و پێنجێ دوور ئێخست و راده‌ستكرنا فرۆكه‌یان ژی بۆ وێ راوه‌ستاند، ژ فرۆكه‌ڤانێن وێ ژی خواست تا دوماهییا ڤێ مه‌هێ ژ ئه‌مریكا ده‌ركه‌ڤن.

بابه‌تێن ب ڤێ مژارێ ڤه‌ گرێدای