تورکیا داخواز ژ ناتۆیێ کرییە یەپەگێ بێخیتە د لیستا تیرۆرێ دا

تورکیا داخواز ژ ناتۆیێ کرییە یەپەگێ بێخیتە د لیستا تیرۆرێ دا

WAAR-دهۆك:

تورکیا داخواز ژ ناتۆیێ کرییە ل ھەمبەر پرۆژەیا پاراستنا دەولەتێن بالکانێ و پۆلەندایێ، یەپەگێ بێخیتە د لیستا تیرۆرێ دا، لێ ئەمریکا رەت کرییە.
ژێدەرەکێ دیپلۆماسی یێ تورکیا بۆ رادیۆیا دەنگێ ئەمریکا راگەھاند: گەر پلانا تورکیا یا بەرگرییێ ژ ئالییێ ھەڤپەیمانییا باکۆرێ ئەتلەسی، ناتۆیێ ڤە نەھات پەسەندکرن، ئەو قەبوول ناکەن پلانا بەرگریکرنێ ژ دەولەتێن بالکانێ و پۆلەندایێ بھێت راگەھاندن، ژ بەر کو پێدڤییە یێن ژ تورکیا دخوازن پشتەڤانییا پلانا بالکانێ بکەن، ھەمان بەرسڤ بۆ پلانا وێ ژی ھەبیت و تورکیا داخواز ژ وان وەلاتان کرییە د پرسا ھەڤرکییا تورکیا د گەل یەکینەیێن پاراستنا گەل، یەپەگێ دا، زێدەتر ھەڤکار بن و ناتۆ ھێزێن سووریایا دیمۆکراتیک، ھەسەدێ کو یەپەگە ھێزا وێ یا سەرەکی یە، بێخیتە د لیستا خوە یا تیرۆرێ دا.
وی ژێدەرێ تورکیا ئاشکەرا ژی کر: ناتۆ ل سەر پلانا تورکیا رازی بوویە کو ھەر دەما تورکیا ژ ئالییێ یەپەگێ ڤە تۆشی ھێرشێ بوو، بەرگرییێ ژێ بکەت، لێ واشنتۆنێ خوە ژ وێ پلانێ ڤەکێشایە و بوویە سەدەم كو وەلاتێن دی ژی دژ براوەستن و پلان سەرنەکەڤیت.

بابه‌تێن ب ڤێ مژارێ ڤه‌ گرێدای