تورکیا: تا نھا 99 گەریلا ل خواکورکی ھاتینە ھنگافتن

تورکیا: تا نھا 99 گەریلا ل خواکورکی ھاتینە ھنگافتن

WAAR-دهۆك:

سوپایێ تورکیا کوشتنا 6 گەریلایان ل باکۆرێ کوردستانێ و دویان د ئۆپەراسیۆنا پەنج دا راگەھاند.
وەزارەتا ناڤخوە یا تورکیا د بەیانەکێ دا راگەھاند: ھێزێن وان یێن ئێمناھییێ د ئۆپەراسیۆنێن جودا دا ل ناوچەدارییا ھێنێ یا سەر ب ئامەدێ ڤە و شەمزینانا ب سەر جولەمێرگی ڤە و دێرسمێ ل باکۆرێ کوردستانێ، 6 گەریلایێن پارتییا کارکەرێن کوردستانێ، پەکەکێ، کوشتن
وەزارەتا بەرگرییا تورکیا ژی د بەیانەکێ دا راگەھاند: ئۆپەراسیۆنا پەنج یا سوپایێ تورکیا ل دەڤەرا خواکورکی و دەڤەرێن دی ل ناڤ ھەرێما کوردستانێ بەردەوامە و سوپایێ تورکیا د بۆمبەبارانکرنا گەریلایان دا ل چیایێ گارە ل پارێزگەھا دھۆکێ 2 گەریلا کوشتن.
ھەروەھا دیار کر؛ سوپایێ تورکیا د گەل گەریلایێن نووھنگافتی دا، ژ دەستپێکا ئۆپەراسیۆنێ 99 گەریلایێن پەکەکێ ھنگافتینە، پێنج گەریلا ژی دەستەسەر کرینە، 2 سەربازێن تورکیا ژی د ئەنجاما پەقینا مینان دا ھاتینە کوشتن.

بابه‌تێن ب ڤێ مژارێ ڤه‌ گرێدای