تورکیا ب دژواری گوندەوارێن عەفرینێ تۆپباران دکەت

تورکیا ب دژواری گوندەوارێن عەفرینێ تۆپباران دکەت

WAAR-دهۆك:

سوپایێ تورکیا و گرۆپێن چەکدار یێن سووری گوندەوارێن عەفرین و رۆژئاڤایێ عەزازێ کو د بن کونترۆلا ھێزێن سووریا دیمۆکرات ھەسەدێ دا نە ب دژواری تۆپباران کرن و ھەسەدێ ژی بەرسڤ دا.
ل گۆری روانگەھا سووریێ یا مافێن مرۆڤی، د بەرسڤا وێ تۆپبارانکرنێ دا ھەسەدێ ژی گوندەوارێن عەزازێ و گوندێ جبرین ب گولەھاونان تۆپباران کرن، ھەڤدەم شەر و پەڤچوون د ناڤبەرا ھەسەدێ و گرۆپێن چەکدار یێن تورکیا پشتەڤانیێ لێ دکەت ل میحوەرێن عەین دقنە و مەرعناز ل نێزیك بنگەھێ ئەسمانی یێ مەنغ دهێنه‌ كرن.
روانگەھا سووری دیار کر کو کوشتی و بریندار د رێزین ھەردو ئالییان دا ھەنە و شەرڤانەکێ هه‌سه‌دێ ھاتییە ئێخسیر کرن، ھەروەسا د رۆژێن بۆری دا ژ سەدەما تۆپبارانێن تورکیا شەش سڤیل ھاتینە کوشتن و ب دەھان کەس برینداربووینە و برینێن ھندەکان دگرانن.
ژ ئالیێ خوه‌ ڤه‌ هه‌سه‌دێ ژی ئێخسیركرنا چه‌كداره‌كی گرۆپێن سووری ل عه‌ین دقنه ئاشكرا كر.
تورکیا و ھەژمارەکا گرۆپێن سوپایێ ئازادێ سووریێ کو ب ھێزێن مەرتالا فراتی ھاتینە نیاسین، بزاڤان د کەن ھەمی ناوچەیێن ژ مەرع ھەتا دێر جەمال کو دبن دەستھەلاتا ھەسەدێ دانە کونترۆل بکەن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *