تورکیا.. بلندترین رێژەیا بێکارییێ د 10 سالان دا ھات تۆمارکرن

تورکیا.. بلندترین رێژەیا بێکارییێ د 10 سالان دا ھات تۆمارکرن

WAAR-دهۆك:

ل گۆری داتایێن نوو یێن فەرمی، تورکیا مەزنترین رێژەیا بێکارییێ د 10 سالان دا تۆمار کر و تنێ د سالەکێ دا ملیۆن بێکار ل تورکیا زێدە بووینە.
دەستەیا سەرژمێرییێن تورکیا، تورکستاتێ نووترین سەرژمێرییێن رێژەیا بێکارییێ ل تورکیا بەلاڤ کرن و دیار کر؛ ھەژمارا بێکاران ل مەھا کانوونا دویێ یا ئەڤ سالە گەھشتییە 4 ملیۆن و 600و 68 وەلاتییان کو ب ھەڤبەرکرنا د گەل کانوونا دویێ یا سالا ٢٠١٨ێ دا ئێک ل سەر چارێ زێدە بوویە و تنێ د سالەکێ دا زێدەتری ملیۆن وەلاتییان بێکار بووینە.
دەستەیا سەرژمێرییێن تورکیا دیار ژی کر؛ د سالەکێ دا ھەژمارا وەلاتییێن بێکار یێن تورکیا 3.9% ژ سەرجەمێ گشتی یێ وەلاتییان بلند بوویە و سەرجەمێ گشتی یێ بێکارێن تورکیا گەھشتییە 14.7% یا وەلاتییان.
ھەر ل گۆری دەستەیا سەرژمێرییێن تورکیا؛ رێژەیا بێکارییێ یا نھا تورکیا گەھشتییێ، بلندترین رێژەیە د 10 سالێن بووری دا دھێت تۆمارکرن.

بابه‌تێن ب ڤێ مژارێ ڤه‌ گرێدای