تورکیا: ئۆپەراسیۆنا سەر باژارێ عەفرینێ نێزیکە دەست پێ بکەت

تورکیا: ئۆپەراسیۆنا سەر باژارێ عەفرینێ نێزیکە دەست پێ بکەت

WAAR-دهۆک:

کەنالەکێ نێزیک حکومەتا تورکیا راگەھاند؛ سەرۆککۆمارێ تورکیا رێنمایی ژبۆ ئۆپەراسیۆنا سەربازی ل سەر عەفرینا رۆژئاڤایێ کوردستانێ و ھێرشکرنا سەر شەرڤانێن یەپەگێ داینە، نێزیکە ژی ئەو ئۆپەراسیۆن دەست پێ بکەت.
ئیبراھیم ئەردۆغان، سەرنڤیسەرێ کەنالێ خەبەر حەفت یا نێزیکی حکومەتا تورکیا راگەھاند؛ تورکیا پلان ھەنە و ل دەمەکێ نێزیک ھێرشێ بکەتە سەر بنگەھێن یەپەگێ ل سەر سنۆری.
گۆت ژی: ھێزێن تورکیا ب درێژاھییا سنۆری ژ پارێزگەھا ھاتای یا نێزیکی عەفرینێ ھەتا پارێزگەھا شرنەخێ ل سنۆرێ ھەرێما کوردستانێ د ئامادەباشیێ دانە، رێکارێن ئێمناھیێ ژی د باشترین ئاست دانە.‌
سەرنڤیسەرێ خەبەر حەفت راگەھاند ژی؛ ب دەھان ھزار سەربازێن تورکیا د گەل چەکێن خوە یێن گران ل سنۆری د بەرھەڤییەکا باش دانە ژبۆ دەستپێکرنا ھێرشێ.
ئاشکرا ژی کر؛ ئۆپەراسیۆنا سەربازی ل سەر عەفرینێ نێزیکە دەست پێ بکەت، ھەموو بەرھەڤییێن ناڤخوە و دەرەکی ژی ھاتینە کرن و گۆت: سەرۆککۆمارێ تورکیا دەمێ سەرەدانا باژارێ کاستامونو کری، رێنمایی بۆ وێ ئۆپەراسیۆنێ داینە.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.