تورونتۆ و كلیپه‌رزێ وه‌رزێ نوو یێ NBA بسه‌ركه‌ڤتنێ ده‌ستپێكرن

تورونتۆ و كلیپه‌رزێ وه‌رزێ نوو یێ NBA بسه‌ركه‌ڤتنێ ده‌ستپێكرن

WAAR-دهۆك:

یانەیا تورونتۆ راپتۆرز کاروانێ بەرەڤانیکرنێ ژ ناسناڤێ خولا ئەمریکا بسەرکەڤتنەکا بزەحمەت د دەمێ زێدەکری دا لسەر نیو ئورلیانز ب ١٣٠ خالان بەرامبەر ١٢٢ خالان دەستپێکر . لدەستپیکێ تورونتویێ ئاھەنگێن برنا ئێکەم ناسناڤ د دیرۆکا خودا دگەل جەماوەری گێران بەری دەست ب ھەڤرکیێن وەرزێ نوو بکەت. بدرێژاھییا یارییێ ھەردوو تیمان ھەڤرکییەکا بھێز لسەر تۆمارکرنا خالان کر و چەند جاران گھورین دپێشکەڤتنێ دا پەیدابوو، لێ ل داوییێ تورونتۆ بسەرکێشییا فرید ڤانڤلیت ئەوێ ٣٤ خال ئیناین و خودانێ ٢٢ خالان کایلی لوری شیا ئەنجامی ب جوداھییا ھەشت خالان ئێکلابکەت .
ھەروەسا یانەیا لوس ئەنجلێس کلیپەرزێ وەرزێ خو بسەرکەڤتنێ دەستپێکر پشتی ب ١١٢ خالان بەرامبەر ١٠٢ خالان لسەر مێڤانا خو لێکەرز پێشکەڤتی، کای لیوناردی رولەکێ مەزن دسەرکەڤتنا کلیپەرزێ دا ھەبوو، کو شیا ٣٠ خالان بینیت، ھەروەسا ھەڤالێن وی لو ویلیامز ٢١ خال و یاریکەرێ پێگھور مونتریزل ھاریل ١٧ خال تۆمارکرن ، بەرامبەر دا ئەنتونی دیڤێس ٢٥ خال، و لیبرۆن جێمس ١٨ خال و دانی گرین ٢٨ خال بو لێکەرزێ ئینان لێ تێرا ھندێ نەبوو تیما خو ژ دۆڕاندنێ قۆرتالبکەن.

بابه‌تێن ب ڤێ مژارێ ڤه‌ گرێدای