توركیا 500 ملیۆن دۆلار خستینه‌ سه‌ر هه‌ژمارا بانكی یا هه‌رێمی

توركیا 500 ملیۆن دۆلار خستینه‌ سه‌ر هه‌ژمارا بانكی یا هه‌رێمی

وار – دهۆک :

سه‌رۆكێ لیستا به‌ره‌یا توركمانی ل په‌رله‌مانێ كوردستانێ راگه‌هاند؛ توركیا پێنچ سه‌د ملیۆن دۆلار، خستینه‌ سه‌ر هه‌ژمارا بانكى یا هه‌رێما كوردستانێ و هه‌رێم دشێت وان پاران خه‌رجبكه‌ت.
ئایدن مه‌عرۆف بۆ وار گۆت: د داوی سه‌ره‌دانا خوه‌دا بۆ توركیا، نێچیرڤان بارزانی، سه‌رۆكوه‌زیرێن هه‌رێمێ، پێنچ سه‌د ملیۆن دۆلار بۆ دانا مووچه‌یێن فه‌رمانبه‌ران ژ توركیا قه‌ركرینه‌ و ل گووری زانیاریێن وی نها هه‌رێم دشێت وان پاران خه‌رجبكه‌ت.
ژ ئالیێ خوه‌ڤه‌، دكتوره‌ شرین حوسنى، ئه‌نداما لژنا داراییا په‌رله‌مانێ كوردستانێ بۆ وار گۆت: وه‌زاره‌تا دارایى ب وان راگه‌هاندییه‌ كو تا نها پاره‌یێن توركیا نه‌ گه‌هشتینه‌ هه‌رێمێ و هند رێكارێن ته‌كنیكى ماینه‌، لێ د نیزیكدا ئه‌و پاره‌ دێ گه‌هن.
دكتوره‌ شرین گۆت ژى: ل دووڤ زانیاریێن ژ وه‌زاره‌تا دارایى ب ده‌ست وان كه‌ڤتین، هه‌رده‌ما 500 ملیۆن دۆلارێن توركیا یان ژى 500 ملیار دینارێن ئیراقێ گه‌هشتنه‌ هه‌رێمێ، حكومه‌ت دێ ده‌ست ب پارڤه‌كرنا مووچه‌یێ مه‌ها شوباتێ كه‌ت.

بابه‌تێن ب ڤێ مژارێ ڤه‌ گرێدای