توركیا.. هه‌ر 9 گه‌شتیارێن كورد هاتن ئازاد كرن

توركیا.. هه‌ر 9 گه‌شتیارێن كورد هاتن ئازاد كرن

WAAR-دهۆك:

ئه‌و 9 گه‌شتیارێن كورد ئه‌وێن رۆژا پێنجشه‌مبی ژبه‌ر بلندكرنا ئالایێ كوردستانێ ل ده‌ڤه‌را چیاكارا یا باژارێ ترابزوون یێ توركیێ هاتینه‌ گرتن، ئه‌ڤرۆ هاتن ئازادكرن.
سامی جه‌لال رێڤه‌به‌رێ گشتی یێ دیوانا وه‌زاره‌تا ناڤخوه‌ یا هه‌رێما كوردستانێ بۆ وار راگه‌هاند: هه‌ر 9 گه‌شتیارێن كورد ئه‌وێن ل ده‌ڤه‌را چیاكارا یا باژارێ ترابزوون یێ توركیێ ژ به‌ر بلندكرنا ئالایێ كوردستانێ هاتینه‌ گرتن، هه‌می هاتن ئازادكرن.
ئه‌ڤه‌ د ده‌مه‌كی دایه‌ حكومه‌تا هه‌رێما كوردستانێ دلگرانییا خوه‌ ژ بوویه‌رێ نیشان دابوو و سه‌رۆكێ حكومه‌تێ ئالیێن به‌رپرس راسپاردبوون كو لگه‌ل حكومه‌تا توركیا هه‌ماهه‌نگیێ بكه‌ن، داكو ب زووترین ده‌م ئه‌و گه‌شتیاره‌ بهێنه‌ ئازادكرن.
رۆژا پێنجشه‌مبییا بۆری چه‌ندین گه‌شتیارێن كورد ل ده‌ڤه‌را چیاكارا یا گه‌شتیاری ل باژارێ ترابزوونێ ئالایێ كوردستانێ هه‌لگرتبوو، پاشان ژ ئالیێ ژماره‌كا زێده‌ یا خه‌لكی هێرش ل سه‌ر هاته‌ كرن و ده‌ستهه‌لاتدارێن وی باژاری ئه‌و گه‌شتیاره‌ گرتبوون.

بابه‌تێن ب ڤێ مژارێ ڤه‌ گرێدای