توركیا سۆز دا خالێن خوه‌ یێن چاڤدێریێ ل سووریێ نه‌هێلیت

توركیا سۆز دا خالێن خوه‌ یێن چاڤدێریێ ل سووریێ نه‌هێلیت

WAAR-دهۆك:

وه‌زیرێ ده‌رڤه‌ یێ توركیا ئه‌ڤرۆ سۆز دا كو سوپایێ توركیا خالێن خوه‌ یێن چاڤدێریێ ل باكۆرێ رۆژئاڤا سووریێ نه‌هێلیت.
مه‌ولود چاویشئوغلۆ ئه‌ڤرۆ ل لوبنانێ ئاماژه‌ كره‌ خالێن چاڤدێریێ یێن توركیا ل ئدلبێ كو ژ ئالییێ سوپایێ ئه‌سه‌د ڤه‌ هاتینه‌ دۆرپێچكرن و راگه‌هاند، توركیا ل وێرێیه‌ نه‌ ژبه‌ركو نه‌شێت بده‌ركه‌ڤیت به‌لكو ژبه‌ركو ناخوازیت ده‌ركه‌ڤیت.
هه‌روه‌ها ره‌ت كر رێیا سه‌ربازێن توركیا ل خالێن چاڤدێریێ ل ئدلب و حه‌مایێ هاتبنه‌ گرتن.
سوپایێ حكوومه‌تا سووریێ ل حه‌ما و ئدلبێ پێشڤه‌چوویه‌ و چه‌ندین گۆند و باژار كۆنترۆل كرینه‌، د ده‌مه‌كێ دا هنده‌ك خالێن چاڤدێریێ یێن توركیا لێ هه‌نه‌ كو ب مه‌ره‌ما چاڤدێریا ئاگربه‌ستێ چووبوونه‌ وان جهان.

بابه‌تێن ب ڤێ مژارێ ڤه‌ گرێدای