توركیا دوه‌م كه‌شتی بۆ لێگه‌ریانا گازا سروشتی ل قوبرسێ دا كاری

توركیا دوه‌م كه‌شتی بۆ لێگه‌ریانا گازا سروشتی ل قوبرسێ دا كاری

WAAR-دهۆك:

توركیا ئه‌ڤرۆ دوه‌م كه‌شتی دا كاری ب مه‌ره‌ما لێگه‌ریان و ده‌رئینانا گازا سرۆشی ل به‌راڤێن قوبرسێ سه‌رباری هۆشداریێن ئێكه‌تییا ئه‌ورۆپا.
ب به‌رهه‌ڤبوونا وه‌زیرێ وزه‌یا توركیا، حكوومه‌تا وی وه‌لاتی كه‌شتییا دووێ یا لێگه‌ریان و ده‌رئینانا گازا سرۆشتی ل به‌راڤێن رۆژهه‌لات یێن قوبرسێ دا كاری.
فاتح دۆنمه‌ز گۆت: توركیا بێ ڤه‌قه‌تیان دێ به‌رده‌وامیێ ده‌ته‌ پرۆسا ده‌رئینانێ ل قوبرسێ و تا دوماهیێ دێ مفای ژ وزه‌یا وی وه‌لاتی وه‌رگریت.
ئه‌ڤه‌ د ده‌مه‌كی دایه‌ ئێكه‌تییا ئه‌ورۆپا هۆشداری داینه‌ ئه‌نقه‌ره‌ خوه‌ ژ كاره‌كێ ب وی ره‌نگی دوور بكه‌ت یان دێ رووبرووی سزایان بیت.
حكوومه‌تا قوبرسا یونانی ژی ئه‌و گاڤا توركیا شه‌رمزار كر و ب بنپێكرنا قانوونێن نێڤده‌وله‌تی و مافێن سه‌روه‌رییا قوبرسی ناڤ كر.

 

بابه‌تێن ب ڤێ مژارێ ڤه‌ گرێدای