توركیا جهێن په‌كه‌كێ ل باكۆرێ كوردستانێ و هه‌رێما كوردستانێ بۆمبه‌باران كرن

توركیا جهێن په‌كه‌كێ ل باكۆرێ كوردستانێ و هه‌رێما كوردستانێ بۆمبه‌باران كرن

وار – دهوك :

فڕۆكه‌یێن شه‌ڕكه‌رێن توركیا جاره‌كا دی جهـ و ناڤه‌ندێن پارتا كاركه‌رێن كوردستانێ بۆمبه‌باران كرن، ئه‌ڤ چه‌نده‌ ژی پشتی راگه‌هاندنا ئاگربه‌ستا ئێكالی دهێت.

ل گۆری زانیارییان، د ده‌ما 24 ساتێن بۆری دا، فڕۆكه‌یێن شه‌ڕكه‌رێن توركیا، جهێن په‌كه‌كێ ل باكۆرێ كوردستانێ و هه‌روه‌سا، ل ناڤ ئاخا هه‌رێما كوردستانێ، بۆمبه‌باران كرن و بێی كو سوپایێ توركیا چ ئاماژه‌كێ ب هه‌بوونا زیانان د ناڤ رێزێن په‌كه‌كێ دا بكه‌ت.

هێرشێن نوو یێن توركیا، پشتی رۆژه‌كێ ژ راگه‌هاندنا ئاگربه‌ستا ئێك ئالییا په‌كه‌كێ دهێت، ئه‌وا ژ ئالیێ سه‌رۆك وه‌زیرێن توركیا ئه‌حمه‌د داوود ئۆغلۆی ڤه‌، هاتییه‌ ره‌تكرن.

به‌رییا سێ رۆژان، سه‌ركرداتییا په‌كه‌كێ، بڕیارا راگرتنا هێرشێن خوه‌ ل دژی سوپا و هێزێن ئاسایشا توركیا دان، وه‌ك بزاڤه‌كێ ژبۆ برێڤه‌چوونا هه‌لبژارتنه‌كا سه‌ركه‌ڤتی.

بابه‌تێن ب ڤێ مژارێ ڤه‌ گرێدای