ته‌پاپێی یا ئیتالیا.. ژ گوپیتكێ به‌ره‌ڤ داكه‌تنێ!

ته‌پاپێی یا ئیتالیا.. ژ گوپیتكێ به‌ره‌ڤ داكه‌تنێ!

Capture

وار – دهۆک :
پێنه‌ڤێت ته‌پاپێی یا ئیتالیا ئێك ژ ب ناڤوده‌نگترین خول و هه‌لبژارتیێن جیهانێ یه‌ و ژماره‌یه‌كا مه‌زن یا پشته‌ڤان و جه‌ماوه‌رێ خۆ یێ هه‌ی، دیسان د مێژوویا قاره‌مانیێن جیهانێ و ئۆرۆپا چه‌ندین ده‌ستكه‌ڤتی بده‌ستخۆڤه‌ئیناینه‌ و ژماره‌یه‌كا باش یا ستێرێن جیهانێ په‌یداكریینه كو گه‌هشتبوونه‌ گۆپیتكا هه‌لبژارتییان بتایبه‌تی پشتى بده‌ستڤه‌ئینانا قاره‌مانیێن جیهانێ و یا دوماهیێ ژی مۆندیالا 2006ێ‌، به‌لێ بمخابنیڤه‌ لڤێ دوماهیێ بتایبه‌تی پشتى ده‌ركه‌ڤتنا هه‌لبژارتیێ ئازوری د مۆندیالا به‌رازیل و دۆڕاندنێن نه‌ چاڤه‌رێكری یێن یانه‌یێن وێ د قاره‌مانیێن ئۆرۆپا دا، ئه‌ڤه‌ژی بوویه‌ جهێ نه‌رازیبوونێ و نه‌خۆشییا جه‌ماوه‌رێ وێ. د دوماهی به‌رپه‌رێن رۆژنامه‌یا لاگازیتا یا به‌ربه‌لاڤ ل ئیتالیایی دانپێدانكر ب كاودانێن خراب یێن نوكه‌ ته‌پاپێی یا ئیتالییا تێدا دبۆریینیت.
رۆژنامه‌یێ دیاركر كو شكه‌ستنا مه‌زن یا یانه‌یا رۆما دگه‌ل بایرن میۆنێخ یا ئه‌لمانی(7-1) گۆلان، دیسان دۆڕاندنا یۆڤانتۆس دگه‌ل ئۆلۆمپیاكۆس یا یۆنانستانی، باشترین به‌لگه‌یه‌ كو ته‌پاپێی یا ئیتالیا د كاودانێن خراب دایه‌ و ئاستێ وێ وه‌كو جاران نه‌مایه‌، دیسان دۆڕاندنێن نه‌ چاڤه‌ڕێكری یێن هه‌لبژارتیێ ئازۆری د مۆندیالا به‌رازیل و دووره‌كه‌ڤتنا وێ ژ قۆناغا ئێكێ یا مۆندیالێ. رۆژنامه‌یێ دیاركر كو داكه‌ڤتنا ئاستێ ته‌پاپێی یا ئیتالیا ل سالا 2010ێ ده‌ستپێكربوو، د پله‌دارییا جیهانێ یا هه‌لبژارتیاندا نه‌شیا رێزا خۆ پارێزیت ده‌مێ ژ رێزا حه‌فتێ چوویه‌ چارێ دویڤدا بوو نه‌هێ و نوكه‌ یا 14ێ یه‌. ژلایه‌كێ دووڤه‌ یانه‌یێن ئیتالی د قاره‌مانییا یانه‌یێن ئۆرۆپادا ئاستێ وان گه‌له‌ك لاوازبوویه‌ هه‌مبه‌ری یانه‌یێن ئسپانیا و ئه‌لمانییا و هه‌تا فه‌رنسا ژی. هه‌ر ژ سالا 2010ێ وه‌ره‌ ئسپانیا 20 خال د پله‌كرنا ئێكه‌تییا ئۆرۆپادا بده‌ستخۆڤه‌ئیناینه‌، ژبه‌ركو یانه‌یێن وێ 6 چاران ده‌ربازبووینه‌ یاریێن دووماهییا قاره‌مانی و ئێكه‌تییا ئۆرۆپا، دیسان 8 جاران ده‌ربازبووینه‌ پێش دوماهییا قاره‌مانییان، به‌لێ یانه‌یێن ئیتالی تنێ جاره‌كێ ده‌ربازبوویه‌ پێش دوماهیێ و چار جاران ده‌ربازبووینه‌ قۆناغا هه‌شتێ. بو جارا ئیكێ بوو دو یانه‌یێن ئیتالی ل 2003ێ ده‌ربازبوونه‌ یارییا دوماهیێ ئه‌وژی میلان و یۆڤانتۆس بوون، یانه‌یێن ئیتالی 12 جاران قاره‌مانییا یانه‌یێن ئۆرۆپا بده‌ستخۆڤه‌ئیناینه‌،( میلان 7 جاران)، ( ئه‌نتر 3 جاران)، ( 2 یۆڤانتۆس). به‌لێ یانه‌یێن ئنگلیزی 12 جاران، ئسپانیا 14 جاران.
ل دوماهیێ رۆژنامه‌ پرسیاردكه‌ت ئه‌رێ ئێكه‌تییا ئیتالیا نوكه‌ ب چوڤه‌ یا مژیله‌!. ما ده‌م نه‌هاتییه‌ سه‌نگا ئیتالیا بزڤڕینه‌ڤه‌!

بابه‌تێن ب ڤێ مژارێ ڤه‌ گرێدای