ته‌هران.. سه‌رۆكوه‌زیرێ ژاپۆنێ ل گه‌ل سه‌رۆكێ ئیرانێ كۆم بوو

ته‌هران.. سه‌رۆكوه‌زیرێ ژاپۆنێ ل گه‌ل سه‌رۆكێ ئیرانێ كۆم بوو

WAAR-دهۆك:

سەرۆک وەزیرێن ژاپۆنێ ئه‌ڤرۆ گەهشتە ئیرانێ و ل ته‌هرانا پایته‌خت ل گه‌ل سەرۆکێ وی وەلاتی کۆم بوو.
شینزۆ ئابێ، سەرۆک وەزیرێن ژاپۆنێ، ئەڤرۆ ب سەرەدانەکا فەرمی گەهشته‌ ئیرانێ و ل قه‌سرا سه‌عدئاباد ل باكۆرێ ته‌هرانێ ل گه‌ل حەسەن رۆحانی كۆم بوو.
هه‌ردو ئالییان کێشەیا واشنتۆن و تەھرانێ و داوی پێشھاتێن دەڤەرا کەنداڤی گۆتوبێژ كرن و سه‌رۆكوه‌زیرێ ژاپۆنێ بزاڤان دكه‌ت ناڤبەینکاریێ د ناڤبەرا ئه‌مریكا و ئیرانێ دا بکەت.
سەرۆکوەزیرێ ژاپۆنێ د كۆنگره‌كێ رۆژنامه‌ڤانی دا ل گه‌ل رۆحانی دیار كر كو وی و رۆحانی گه‌له‌ك زه‌لالی گۆتوبێژكرن و ژ ته‌هران و واشنتۆن خواست هه‌دار هه‌بیت و خوه‌ ئارام بكه‌ن و ژ ئیرانێ خواست رۆله‌كێ ئاڤاكه‌ر ل رۆژهه‌لاتا ناڤین بگێریت.
هه‌روه‌ها هۆشداری دان كو ده‌لیڤا شه‌ره‌كێ ژنشكه‌كێ ڤه‌ هه‌یه‌ و پێدڤیه‌ ب هه‌می ره‌نگه‌كی رێ ل په‌یدابوونا شه‌رێ سه‌ربازی بهێته‌ گرتن.
ژ ئالیێ خوه‌ ڤه‌ رۆحانی گۆت: هه‌رده‌مێ ئه‌مریكا هێرش كر ئه‌و دێ به‌رسڤێ ده‌ن، هه‌ڤده‌م خواست ئه‌مریكا شه‌رێ ئابۆری رابگریت.
ئێكه‌م جاره‌ ژ سالا 1979 تا نها سه‌ركرده‌كێ ژاپۆنی سه‌ره‌دانا ئیرانێ دكه‌ت.

بابه‌تێن ب ڤێ مژارێ ڤه‌ گرێدای