ته‌زامن دێ پشكداربیت و بڕیارا دهۆكێ و زاخۆیێ ئێكلانه‌بوویه‌

ته‌زامن دێ پشكداربیت و بڕیارا دهۆكێ  و زاخۆیێ ئێكلانه‌بوویه‌

وار – دهۆک :

پشتی ل وه‌رزێ بۆری هه‌رسێ یانه‌یێن دهۆك، زاخۆ و ته‌زامن یا نه‌جه‌فی خۆ ژ خولا ئیراقی یا باسكتبۆلی ڤه‌گێشایی ده‌رئه‌نجامێ قه‌یرانا دارایی یا هه‌رسێ یانه‌یان.
دوهی سه‌رۆكی یانه‌یا ته‌زامن یا نه‌جه‌فی محه‌مه‌د راهی دیاركر كو ئه‌و یێ به‌رهه‌ڤییان دكه‌ن بۆ وه‌رزێ بهێت یێ خولا پلا نایاب ئیراقێ به‌رنامه‌یه‌كێ رێكوپێك بۆ تیما خۆ یا باسكتبۆلێ بدانن ژبۆ پشكداریێ د وه‌رزێ بهێت دا و گۆت ژی، ل وه‌رزێ بۆری ژبه‌ر قه‌یرانا دارایی ئه‌م نه‌شیایین به‌رده‌وامیی بده‌نه‌ پشكداریێ به‌لێ بۆ وه‌رزێ ئه‌ڤ ساله‌ مه‌ بڕیارا دایی ئه‌م پشكداربین پشتی پارێزگه‌رێ نه‌جه‌ف به‌رهه‌ڤییا خۆ دیاركری بۆ پشته‌ڤانیا تیما مه‌.
ژلایه‌كی دیڤه‌ چو ده‌نگۆباسێن پشكدارییا هه‌ردو یانه‌یێن پارێزگه‌هی دهۆك و زاخۆ بۆ وه‌رزێ بهێت دیارنینن ژبه‌ر قه‌یرانا دژوار یا هه‌ردو یانه‌ تێدا و هه‌تا نڤێسینا ڤی خه‌به‌ری ژی لدیڤ ژێده‌رێن نێزیك ژ هه‌ردو یانه‌یان چو بڕیار لسه‌ر پشكداریێ یان خۆڤه‌كێشانی بۆ وه‌رزێ بهێت نه‌داینه‌.
تێ زانین یانه‌یا دهۆك شیابوو د ماوه‌یێ شه‌ش وه‌رزێن لدیڤ ئێك پێنج ناسناڤێن خولا ئیراقی بده‌ستخۆڤه‌بینت.

بابه‌تێن ب ڤێ مژارێ ڤه‌ گرێدای