ته‌رمێ مام جه‌لالی ل ئارامگه‌ها خوه‌ ل ده‌باشانێ هات ڤەشارتن

ته‌رمێ مام جه‌لالی ل ئارامگه‌ها خوه‌ ل ده‌باشانێ هات ڤەشارتن

WAAR-دهۆك:

ته‌رمێ مام جه‌لالی پشتی ل فرۆكخانه‌یا سلێمانیێ هاتییه‌ پێشوازیلێكرن، دناڤا ئاپۆرایا جه‌ماوه‌رێ كوردستانێ دا گه‌هشته‌ ئارامگه‌ها خوه‌ ل ده‌باشانێ و هات ڤه‌شارتن.
ئه‌ڤرۆ سات یازده‌ی سپێدێ، ته‌رمێ مام جه‌لالی ب فرۆكه‌یه‌كا تایبه‌ت ژ به‌رلینا پایته‌ختێ ئه‌لمانیا گه‌هشته‌ هه‌رێما كوردستانێ و ل فرۆكخانه‌یا سلێمانیێ ب ئاماده‌بوونا سه‌رۆكێ هه‌رێمێ و سه‌رۆككۆمارێ ئیراقێ و ژماره‌یه‌كا مه‌زنا به‌رپرس و دبلۆماتكار و بالیۆز و كونسولێن وه‌لاتێن بیانی و به‌رپرسێن بلند یێن حكومه‌ت و په‌ڕله‌مان و ئالیێن سیاسی یێن كوردستانێ هاته پێشوازیلێكرن و تاجه‌ گولینه‌ ل سه‌ر ته‌رمێ وی هاتنه‌ دانان.
پاشان ته‌رمێ مام جه‌لالی ب رێوره‌سمه‌كێ ژ هه‌ژی و دناڤا ئاپۆرایا جه‌ماوه‌ری دا گه‌هشته‌ مزگه‌فتا مه‌زنا سلێمانیێ و نڤێژ ل سه‌ر هاته‌ كرن و بۆ ئارامگه‌ها وی ل ده‌باشان هات برێخستن.
جه‌لال تاله‌بانی سه‌رۆككۆمارێ بەرێ یێ ئیراقێ و سكرتێرێ گشتیێ ئێكەتی نشتیمانی كوردستان ل رۆژا سێشه‌مبییا بۆری د ژیێ هشتێ و چار سالیێ دا ل نەخۆشخانەیەكا ئەلمانیا وەغەرا داویێ كربوو و سوبه‌ رۆژا شەمبی ئێكەم رۆژا بەهیێ دێ ل یاریگەها سیروانا نوو ل سلێمانیێ ده‌ستپێكه‌ت و ل 11 باژارێن جودایێن هه‌رێمێ به‌هی دێ هێته‌ دانان.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.