WAAR-دهۆك:
وه‌ها بریاره ته‌رمێن وان كۆچبه‌رێن كورد ئه‌وێن د ده‌ریا ئیجه دا خه‌ندقین، سوبه رۆژا شه‌مبیێ ژبۆ هه‌رێما كوردستانێ بهێن هنارتن.
ناییل كادیرهان په‌یامنێرێ وار ل باكۆرێ كوردستانێ راگه‌هاند؛ ته‌رمێن وان كۆچبه‌رێن كورد، ئه‌وێن به‌له‌ما وان د ده‌ریا ئیجه دا بن ئاڤبووی، سوبه دێ ژبۆ هه‌رێما كوردستانێ هێن برێئێخستن و گه‌هن ده‌ڤه‌ردارییا زاخۆ.
دیار ژی كر، سیهـ و پێنج كۆچبه‌ر د به‌له‌مێ دابوون، نۆزده ژ وان كوردێن هه‌رێما كوردستانێ كو خه‌لكێ ده‌ڤه‌ردارییا زاخۆ و دهۆكێ نه.
تا نها ته‌رمێن چارده ژ وان هاتینه دیتن كو یێن دو خێزانانه، لێگه‌ریان ل یێن مایی ژی به‌رده‌وامه، ژنه‌ك ژی كو خه‌لكا زاخۆ یه رزگاربوویه، پشتی بۆ ده‌مێ بیست و هه‌شت ده‌مژمێران مه‌له‌ڤان د ده‌ریا ئیجه دا كرین.
