تل تەمر.. شەروپەڤچوون د ناڤبەرا سوپایێن سووریا و تورکیا دا چێبوون

تل تەمر.. شەروپەڤچوون د ناڤبەرا سوپایێن سووریا و تورکیا دا چێبوون

WAAR-دهۆك:

سوپایێ تورکیا ئەڤرۆ گۆندەوارێن تل تەمر، گرێ سپی و عەین عیسا تۆپبارانکرن، ل گرێ سپی سەربازەکێ سووری د تۆپبارانان دا ھات کوشتن.
ل گۆری ناڤەندا مەدیا ھەسەدێ، ئەڤرۆ سوپایێ تورکیا ب چەکێن گران گوندەوارێن تل تەمر، گرێ سپی و عەین عیسا تۆپباران کرن و ھێرش بەردەوامن.
ناڤەندا مەدیا ھەسەدێ دا زانین: سوپایێ تورکیا دو خالێن سوپایێ سووریێ ل تل تەمر تۆپبارانکرن و دیار کر: ل گرێ سپی ژی ل گوندێ کو حەسۆ سەربازەکێ سووری د تۆپبارانێ دا ھاتییە کوشتن.
ئاشکرا ژی کر: ل باشۆرێ ناوچەدارییا عەین عیسا ژی فرۆکەیێن بێ فرۆکەڤان ھێرشی باژارکێ ھیشە کر کو ئاوارەیێن باژارێ گرێ سپی لێ ھەنە و دەنگویێ کوشتنا ھەژمارەکا ئاوارەیان ھەیە.
ژ ئالییێ خوە ڤە ئاژانسا سانا یا حکومەتا سووریێ بەلاڤکر: ل گوندەوارێن تل تەمر ئەڤرۆ شەرپەڤچوون دناڤبەرا سوپایێ سووری و تورکی دا چێبوون بێ کو ئاگاھیێن زێدەتر بەلاڤکەت.
نەرینگەها سووری یا مافێن مرۆڤی ژی بەلاڤکر: سوپایێ سووری هێزێن خوە ل گوندێن دناڤبەرا سەرێ کانییێ و تل تەمر دا ڤەکێشان پشتی چەندین سەربازێن وان د تۆپبارانا تورکیا دا هاتینە کوشتن و بریندارکرن و شەرڤانێن هەسەدی و سوپا ومیلیشایێن سەر ب تورکیا ڤە د شەروپەڤچوونێن دژوار دانە.

بابه‌تێن ب ڤێ مژارێ ڤه‌ گرێدای