تل تەمر.. تورکیا و میلیشیایێن وێ 4 گوند کۆنترۆل کرن

تل تەمر.. تورکیا و میلیشیایێن وێ 4 گوند کۆنترۆل کرن

WAAR-دهۆك:

نەرینگەھا سووری یا مافێن مرۆڤی راگەھاند؛ د بیست و چار ساتێن بۆری دا سوپا و میلیشیایێن تورکیا چار گوندێن سەر ب تل تەمرێ ڤە کۆنترۆل کرن، پشتی شەروپەڤچوونێن دژوار دگەل شەرڤانێن ھەسەدێ.
نەرینگەھا سووری یا مافێن مرۆڤی ئاشکرا کر: پشتی شەروپەڤچوونێن دژوار یێن د بیست و چار ساتێن بۆری دا ل گوندەوارێ ناوچەدارییا تل تەمرێ رووداین، سوپایێ تورکیا چەکدارێن میلیشیایێن وێ چوونە ناڤا ھەر چار گوندێن داودیە، قاسمیە، عەریشە و سالحییە و کۆنترۆل کرن.
نەرینگەھێ دیار کر: نھا سوپا و میلیشیایێن تورکیا ل بەرەیێ باکۆر تەنێ کیلۆمەترەکێ ژ ناوچەدارییا تل تەمرێ دوورن.
دا زانین ژی: د شەروپەڤچوونین بیست و چار ساتێن بۆری دا یازدە شەرڤان شەھیدبووینە، د ھەمبەر دا بیست و چار چەکدارێن سەر ب تورکیا ڤە ھاتینە کوشتن.

بابه‌تێن ب ڤێ مژارێ ڤه‌ گرێدای